«Գլոբալ Գոլդ Մայնինգ»-ին մեղադրում են Մարջան հանքավայրի համար պայքարի ապօրինի մեթոդների մեջ 6 օգոստոսի 2011 - 16:18 AMT PanARMENIAN.Net - Կանադական «Կալդեռա Ռեսուրսիզ Ինկ.» ընկերությունը նոր մանրամասներ է ներկայացրել` կապված Մարջան հանքավայրի և «Մարջան Մայնինգ Քոմփանի» ՍՊԸ բաժնետոմսերի հետ, որոնց հավակնում է «Գլոբալ Գոլդ Մայնինգ»-ը (GGM): Ինչպես ընդգծվում է «Կալդեռա Ռեսուրսիզ»-ի մամլո ծառայության հաղորդագրության մեջ, 2011թ. հուլիսի 29-ին ՀՀ Վարչական դատարանը կայացրել է վճիռ ընդդեմ Հայաստանի իրավաբանական անձանց պետռեգիստրի, հայտնելով որ ՀՀ «Մարջան Մայնինգ Քոմփանի» ՍՊԸ-ին պատկանում է Մարջան հանքավայրի լիցենզիան (բաժնետոմսերի 100%-ի փոխանցումը Մարջան-Կալդեռա Մայնինգ ՍՊԸ-ին (ՄԿՄ-ՀՁ), որն հանդիսանում է համատեղ ձեռնարկության միջոցը) Պետռեգիստրի կողմից կատարվել է ոչ պատշաճ ձևով հետևաբար առոչինչ է։ Բացի դրանից, նշվում է, որ այս որոշումը ընդունում է, որ միակ օրինական իրավասությունը, որը կարող է կողմերի իրավունքները մեկնաբանել, Նյու Յորք նահանգն է, Ամերիկյան Արբիտրաժային Կազմակերպության արբիտրաժի գործընթացով, ինչպես թելադրված է համատեղ ձեռնարկության պայմանագրի մեջ, և հաշվի առնելով, որ Հայաստանի Վարչական դատարանի վճիռը պիտի բողոքարկվի, վճիռը ուժի մեջ չի մտնելու։ «Կալդեռա Ռեսուրսիզ»-ն ընդգծում է, որ կատարել է համատեղ ձեռնարկությամբ պահանջվող բոլոր վճարները Գլոբալ Գոլդ Կորպորացիային։ Կանադական ընկերությունը հաստատում է, որ GGM գլխավոր տնօրեն և նախագահ Վան Գրիգորյանն արդեն հոկտեմբերի 18-ին կամ այդ թվականի մոտակա օրերին ծրագրում էր գաղտնիաբար ՀՀ իրավաբանական անձանց պետռեգիստրի դեմ ՀՀ Վարչական դատարանին ներկայացնել հայց առանց «Կալդեռայի» իմացության։ «Կալդեռա Ռեսուրսիզ»-ը նշում է, որ GGM-ը կարող է հասնել իր ուզածին միայն երկու եղանակով՝ հայտնել «Կալդեռային» իր անհամաձայնության մասին և դիմել արբիտրաժի կարճելու համար; սկսել դատական գործընթաց ՀՀ ԱՆ իրավաբանական անձանց պետռեգիստրի դեմ` փորձելու համար հակադարձել համատեղ ձեռնարկության գրանցումը և ՄՄՔ-ՀՀ-ի բաժնետոմսերը փոխանցել դեպի «Գլոբալ Գոլդ»: «Գլոբալ Գոլդը» ընտրել է երկրորդ տարբերակը` միակողմանի և անօրինական ձևով կարճելով ՀՁՀ-ը` փորձելով շրջանցել արբիտրաժի ընթացքը»,- ընդգծել է «Կալդեռա Ռեսուրսիզ»-ը: Global Gold Mining-ը Սիսիանի Մարջանի բազմամետաղական հանքավայրի (ոսկի-արծաթ) շահագործման լիցենզիա է ստացել 2008թ.: 2010թ. մարտին GGM պայմանագիր է կնքել Caldera Resources Inc. հետ համատեղ ձեռնարկություն ստեղծելու մասին՝ «Մարջան Կալդեռա Մայնինգ քոմփանի» ՍՊԸ, որտեղ 45 տոկոսը պետք է պատկաներ GGM-ին, իսկ 55 տոկոսը՝ Caldera Resources Inc-ին: Այժմ երկու ընկերությունները մեղադրում են միմյանց Մարջանի հանքավայրի ապօրինի զավթման մեջ: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |