Արմեն Մարտիրոսյանը չի հավատում արտահերթ նախագահական ընտրությունների հավանականությանը 9 օգոստոսի 2011 - 13:49 AMT PanARMENIAN.Net - «Ժառանգություն» կուսակցության խորհրդարանական խմբակցության պատգամավոր Արմեն Մարտիրոսյանը չի հավատում արտահերթ նախագահական ընտրությունների հավանականությանը: Այդ մասին նա հայտարարել է Երևանում կայացած մամլո ասուլիսում: Ըստ նրա, դրա պատճառն այն է, որ ընդդիմության մի մասը սատարում է Սերժ Սարգսյանին և ամրապնդում է նրա դիրքերը միջազգային հանրության շրջանակներում: Ընդ որում, պատգամավորը չի հստակեցրել, թե ընդդիմության որ մասի մասին է խոսքը, առաջարկելով լրագրողներին, որ իրենք անեն եզրակացությւնները՝ հիշեցնելով վերջին հանրահավաքի ժամանակ Լևոն Տեր-Պետրոսյանի խոսքերն այն մասին, որ «երկխոսությունից ժողովուրդը դեռ ոչինչ չի շահել, շահել է պետությունը, քանի որ աճել է նրա հեղինակությունը միջազգային ասպարեզում»: Ինչ վերաբերում է երկխոսության ընթացքին, ապա Արմեն Մարտիրոսյանը հրաժարվել է մեկնաբանություններից՝ հեգնանքով նշելով, թե «հայկական սերիալներ չի դիտում»: Անդրադառնալով հնարավոր խորհրդարանական ընտրություներին՝ Մարտիրոսյանը նշել է, որ նման քայլի իշխանությունները կգնան միայն մի դեպքում՝ եթե վստահ լինեն, որ մեծ առավելություն կունենան: Արտահերթ ընտրությունների անցկացման մեկ այլ պատճառ կարող է դառնալ, ըստ պատգամավորի, այն, որ «իշխանությունները այս ընտրությունները որոշակի նվիրաբերում կանեն որևէ անձի ուղղությամբ»: Մարտիրոսյանը կրկին եզրակացությունները թողել է լրագրողներին: Վերջում նա նշել է, որ ցանկացած դեպքում մոտենում է հերթական ընտրույթունների ժամկետը և նույնիսկ եթե ընտրությունները մի քանի ամիս շուտ տեղի ունենան, մեծ տարբերություն չի լինի: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |