Յանուկովիչը կոչ է արել Արևմուտքին չմիջամտել Տիմոշենկոյի գործին18 հոկտեմբերի 2011 - 10:36 AMT PanARMENIAN.Net - Ուկրաինայի նախագահ Վիկտոր Յանուկովիչը անտեղի է համարում Յուլիա Տիմոշենկոյին ազատ արձակելը՝ գոհացնելու համար օտարերկրացի քաղաքական գործիչներին: Ինչպես հայտնում է The Wall Street Journal-ը, այդ մասին ուկրաինացի առաջնորդը հայտարարել է արևմտյան երկրների լրագրողներին Կիևում: Թերթը նշում է, որ հանդիպման ժամանակ Յանուկովիչ բարձրացրել է ձայնը՝ կոչ անելով Արևմուտքին հարգել իր երկիրը: Ուկրաինայի նախագահը, մասնավորապես, հայտարարել է, որ Արևմուտքում կարծես «չեն ցանկանում լսել» նրա խոսքերն այն մասին, որ նա իրավունք չունի միջամտելու դատարանների ու իրավապահ մարմինների աշխատանքին: Յանուկովիչը հավելել է, որ սխալ կլիներ ազատ արձակել Տիմոշենկոյին, քանի որ նրա դեմ նոր քրեական մեղադրանք է հարուցվել: Ըստ նրա, եթե իր դիրքորոշումը խոչընդոտ հանդիսանա Բրյուսել այցելության համար, հոկտեմբերի 20-ին նա «ուղղակի ավելի հեռու կթռչի»: Ուկրաինայի նախագահն, այնուամենայնիվ, վստահ է, որ կայցելի Բրյուսել, որտեղ մտադիր է ԵՄ իշխանությունների հետ քննարկել ԵՄ հետ Ուկրաինայի ասոցացման մասին ապագա պայմանագիրը: «Մենք գործընկերներ ենք : Եթե հանդիպումն անհրաժեշտ է, ես պատրաստ եմ հանդիպել: Եթե ոչ, կշարունակեմ թռիչքը»,-ասել է Յանուկովիչը՝ նկատի ունենալով 6-օրյա շրջագայությունը Լատինական Ամերիկայում, որտեղ նա կայցելի Կուբա և Բրազիլիա: Ըստ The Wall Street Journal-ի, հանդիպումն այնուամենայնիվ, կարող է կայանալ, սակայն այլ ձևաչափով՝ նրա հիմնական օրակարգը կդառնա Տիմոշենկոյին ազատ արձակելու հարցը: Յանուկովիչն այդ հարցը Բրյուսելում քննարկել մտադիր չէ: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Ամենաընթերցվողը բաժնում | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |