  Ալլահշուքյուր Փաշազադե. Ես Ալիևին բազմիցս ասել եմ, որ պատերազմը հարցի լուծում լինել չի կարող 28 նոյեմբերի 2011 - 21:46 AMT PanARMENIAN.Net - Հայաստանի նախագահ Սերժ Սարգսյանը հյուրընկալել է ԱՊՀ միջկրոնական խորհրդի նախագահության նիստի շրջանակներում Երևանում գտնվող Կովկասի մահմեդականների վարչության նախագահ Շեյխ-ուլ-Իսլամ Ալլահշուքյուր Փաշազադեին և Ն.Ս.Օ.Տ.Տ. Ամենայն Հայոց Կաթողիկոս Գարեգին Երկրորդին: Նախագահ Սերժ Սարգսյանն այսօր հյուրընկալել է Մոսկվայի և Համայն Ռուսիո Պատրիարք Նորին Սրբություն Կիրիլին և Ն.Ս.Օ.Տ.Տ. Ամենայն Հայոց Կաթողիկոս Գարեգին Երկրորդին, հաղորդում է ՀՀ նախագահի մամլո գրասենյակը: Սերժ Սարգսյանը ողջունել է Ամենայն Հայոց Կաթողիկոսի և Շեյխ-ուլ-Իսլամ Ալլահշուքյուր Փաշազադեի ջանքերը՝ ուղղված երկխոսության միջոցով հակամարտության լուծմանն աջակցելուն: Կովկասի մահմեդականների վարչության նախագահ Շեյխ-ուլ-Իսլամ Ալլահշուքյուր Փաշազադեն իր հերթին նշել է, որ ցանկացած քայլ դեպի խաղաղություն իրենց՝ կրոնական գործիչներին, շատ ուրախացնում է: Նա վստահություն է հայտնել, որ Հայաստանի և Ադրբեջանի նախագահների ջանքերի շնորհիվ հնարավոր կլինի հասնել խնդրի լուծմանը, ինչին երկու երկրների հոգևոր առաջնորդները պատրաստ են սատարել: Նա շեշտել է, որ Ադրբեջանի նախագահ Իլհամ Ալիևի հետ իր զրույցներում ևս բազմիցս նշել է, որ պատերազմը հարցի լուծում լինել չի կարող: Սերժ Սարգսյանի այսօրվա հրամանագրով, Հայաստանի և Ռուսաստանի ժողովուրդների ավանդական բարեկամության խորացման, Հայաստանյայց Առաքելական եկեղեցու և Ռուս Ուղղափառ եկեղեցու միջև կապերի ամրապնդման, հոգևոր արժեքների պահպանման և զարգացման գործում ներդրած նշանակալի ավանդի համար Նորին Սրբություն Մոսկվայի և Համայն Ռուսիո Պատրիարք Կիրիլը (Վլադիմիր Միխայիլի Գունդյաև) պարգևատրվել է Սուրբ Մեսրոպ Մաշտոցի շքանշանով: Հանդիպման ժամանակ Հանրապետության ղեկավարը պետական պարգևը հանձնել է Նորին Սրբություն Կիրիլ Պատրիարքին: Կիրիլ Պատրիարքը շնորհակալություն է հայտնել ՀՀ նախագահին և Ամենայն Հայոց Կաթողիկոսին` ԱՊՀ միջկրոնական խորհրդի նախագահության նիստի անցկացմանն աջակցության համար:   Ուշագրավ Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա   Ամենաընթերցվողը բաժնում |  Վերջին լուրեր Դորտմունդի «Բորուսիան» հետաքրքրված է Սպերցյանով  Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառըՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ըՆարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումըՔո տունը Հայաստանում է․ Ամերիաբանկն առաջարկում է հիփոթեքային վարկեր Սփյուռքի համար Առաջարկից օգտվելու համար անհրաժեշտ է Ամերիաբանկի կայքում լրացնել համապատասխան հայտը |
