Գյումրի-Կարս տնտեսական համաժողովը մեկնարկել է Գյումրիում14 դեկտեմբերի 2011 - 18:08 AMT PanARMENIAN.Net - Դեկտեմբերի 14-ին Գյումրիում մեկնարկեց Գյումրու զարգացման հիմնադրամի կողմից կազմակերպված Գյումրի-Կարս տնտեսական համաժողովը: Այս եռօրյա միջոցառումը կազմակերպվել է «Աջակցություն Հայաստան-Թուրքիա հարաբերությունների բարելավմանը» ծրագրի շրջանակներում, որն իրականացվում է ԱՄՆ Միջազգային զարգացման գործակալության (ԱՄՆ ՄԶԳ) օժանդակությամբ` Եվրասիա համագործակցություն հիմնադրամի, Երևանի մամուլի ակումբի, Մարդկային զարգացման միջազգային կենտրոնի և Հայաստանի արդյունաբերողների և գործարարների (գործատուների) միության կոնսորցիումի կողմից: Ֆորումը համաֆինանսավորվում է բրիտանական «Միջազգային տագնապ» (International Alert) կազմակերպության կողմից: Երկրորդ անգամ անցկացվող ֆորումը համախմբել է շուրջ 30 հայկական և թուրքական ընկերությունների, այդ թվում` պանրագործների, գինեգործների, մսի և կաթի արտադրության ոլորտի, զբոսաշրջության և ռեստորանային գործի, ինչպես նաև քարի մշակման մասնագետների Գյումրի, Վանաձոր և Կարս քաղաքներից: Ինչպես նշվում է Եվրասիա համագործակցություն հիմնադրամի մամլո ծառայության հաղորդագրության մեջ, դեկտեմբերի 15-ին, նախատեսված են առանձին թեմատիկ խմբերի այցեր տեղական գործարաններ և ծանոթացում հայկական արտադրանքի ու տեխնոլոգիաների հետ: Ֆորումը կամփոփվի դեկտեմբերի 16-ին` թեմատիկ խմբերի ներկայացումներով և համագործակցության ծրագրերի քննարկմամբ: Գյումրի-Կարս տնտեսական ֆորումը յուրօրինակ հնարավորություն է ընձեռում Հայաստան-Թուրքիա գործարար շրջանակների միջև համագործակցությունը խթանելու, մասնավորապես, Գյումրի և Կարս սահմանակից քաղաքների միջև տնտեսական համագործակցություն ու երկխոսություն կառուցելու համար: Առաջին Գյումրի-Կարս տնտեսական ֆորումն անցկացվել է 2008 թ-ին Կարսում:
Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |