«Օրինաց երկիրը» ներկայացրել է իր նախընտրական ծրագիրը 8 ապրիլի 2012 - 15:39 AMT PanARMENIAN.Net - «Օրինաց երկիր» կոալիցիոն կուսակցությունը ներկայացրել է իր նախընտրական ծրագիրը առաջիկա խորհրդարանական ընտրություններում: Միջոցառմանը ներկա էին կուսակցության երևանյան ակտիվի ներկայացուցիչներ, ինչպես նաև «Օրինաց երկրի» ընտրացուցակի անդամներ: «Այս ծրագրի օգնությամբ մենք ուզում ենք փոփոխություններ իրականացնել երկրում, փոփոխություններ, որոնց սպասում է ժողովուրդը»,- հայտնել է կուսակցության նախագահ, Հայաստանի Ազգային անվտանգության խորհրդի քարտուղար Արթուր Բաղդասարյանը: Նախընտրական ծրագիրը ներկայացնելիս Բաղդասարյանը հավաքվածների ուշադրությունն է դարձրել երկրում առկա ծանր սոցիալ-տնտեսական իրադրության վրա, ներկայացրել կուսակցության ծրագրերը բնակչության սոցիալապես անապահով խավերին օգնության վերաբերյալ: «Մենք պետք է այնպիսի Հայաստան ստեղծենք, որում քաղաքացին զգա, որ պետությունն օգնում է իրեն, պետությունն ապրում է իր խնդիրներով»,- ընդգծել է նա: Խորհրդարանական ընտրությունները Հայաստանում տեղի կունենան մայիսի 6-ին: Ընտրություններին մասնակցում են ութ քաղաքական ուժեր՝ ՀՀԿ, ԲՀԿ, ՀՅԴ, ՕԵԿ-ը, «Ժառանգությունը, Հայաստանի դեմոկրատական կուսակցությունը, Կոմունիստական կուսակցությունը, «Միավորված հայեր» կուսակցությունը և մեկ նախընտրական դաշիքն ի դեմս ՀԱԿ-ի: «Օրինաց երկրի» համամասնական ցուցակը գլխավորում են Ազգային անվտանգության խորհրդի քարտուղար Արթուր Բաղդասարյանը, կուսակցության խորհրդարանական խմբակցության ղեկավար Հեղինե Բիշարյանը և ԱԻ նախարար Արմեն Երիցյանը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |