ԱՀՀ. Հայաստանը հանուն Թուրքիայի հետ հարաբերությունների հաստատման ետ չի կանգնի իր սկզբունքներից 9 սեպտեմբերի 2008 - 15:36 AMT PanARMENIAN.Net - Հայստանի նախագահ Սերժ Սարգսյանի հրավերը եւ Թուրքիայի նախագահ Աբդուլլա Գյուլի կողմից հրավերի ընդունումը կարեւոր քայլ դարձավ եւ երկու երկրների միջեւ երկխոսության հնարավորություն ստեղծեց: Այդ մասին PanARMENIAN.Net ի թղթակցին հայտնել է Հայաստանում եւ Լեռնային Ղարաբաղում Ամերիկայի Հայկական Համագումարի (ԱՀՀ) տարածաշրջանային տնօրեն Արփի Վարդանյանը: «Բայց եւ այնպես, երկխոսության պատրաստակամությունը չի նշանակում, որ Հայաստանը հրաժարվում է իր ազգային անվտանգության էությունը կազմող իրողությունից` Թուրքիայի կողմից Առաջին աշխարհամարտի տարիներին Օսմանյան կայսրությունում Հայոց ցեղասպանության ճանաչումից: Այդ ճանաչումն առաջին հերթին Թուրքիային է անհրաժեշտ. նրան պետք է հաշտվել իր պատմության հետ»,- ընդգծել է Վարդանյանը: Նրա խոսքերով, հիմա սպասել է պետք: «Աշխատանքն սկսված է, բայց նման գործերն այդպես արագ չեն արվում: Մենք ապրում ենք XXI դարում, եւ ոչ մի երկիր ցանկացած տարածաշրջանում չի կարող առանձին կղզի դառնալ: Մենք պետք է հարեւանների հետ խաղաղության մեջ ապրենք: Բայց, կրկնում եմ, որ Հայաստանը հանուն Թուրքիայի հետ հարաբերությունների հաստատման ետ չի կանգնի իր սկզբունքներից»,- ասել է ԱՀՀ-ի տարածաշրջանային տնօրենը: Ինչ վերաբերում է հայ-թուրքական հարաբերությունների վրա ԱՄՆ նախագահական ընտրությունների հնարավոր ազդեցությանը, ապա Վարդանյանը գտնում է, որ քվեարկող ամերիկացիներն ավելի շատ կենտրոնացած են ներքին խնդիրների վրա: «Արտաքին քաղաքականության հարցերը նրանց շատ քիչ են հետաքրքրում: Բայց թեկնածուներն իրենց ելույթներում, իհարկե, խոսում են նաեւ արտաքին քաղաքականության արտոնությունների մասին: Ընդ որում, եթե խոսքը գնում է Հայոց ցեղասպանության ճանաչման մասին, ապա դեմոկրատական կուսակցության առաջադրած թեկնածու Բարակ Օբաման ճանաչման կողմից է հանդես գալիս, մինչդեռ հանրապետական Ջոն ՄակՔեյնը` դեմ: Բայց երբ խնդիրն առնչվում է Հարավային Կովկասի տարածաշրջանի ընդհանուր քաղաքականությանը, թեկնածուները գրեթե նույն տեսակետն ունեն»,- նշել է Վարդանյանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Շոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |