ԵԱՀԿ Մինսկի խմբի համանախագահները ժամանել են Երեւան20 հունվարի 2009 - 15:00 AMT PanARMENIAN.Net - Լեռնային Ղարաբաղի հակամարտության կարգավորման գծով ԵԱՀԿ Մինսկի խմբի համանախագահներ Յուրի Մերզլյակովը (Ռուսաստան), Բեռնար Ֆասյեն (Ֆրանսիա) եւ Մեթյու Բրայզան (ԱՄՆ) Բաքվից Երեւան են ժամանել: Այցի ընթացքում միջնորդները կհանդիպեն ՀՀ նախագահի եւ արտգործնախարարի հետ:Գտնվելով Բաքվում` Յուրի Մերզլյակովը հայտնել է, որ հնարավոր է համարում Ադրբեջանի եւ Հայաստանի միջեւ Լեռնային Ղարաբաղի հակամարտության կարգավորման հիմնավոր սկզբունքներով պայմանավորվածության մոտալուտ ձեռքբերումը: «Կարծում եմ, որ եթե կողմերը քաղաքական կամք ցուցաբերեն, ապա կարելի կլինի պայմանավորվածության հասնել հիմնավոր սկզբունքներով եւ անցնել համաձայնագրի նախապատրաստման աշխատանքներին»,- հայտնել է Յուրի Մերզլյակովը` հաղորդելով, որ միջնորդների ներկայիս տարածաշրջանային այցի հիմնական նպատակն է հանդիսանում կարգավորման եւ բանակցությունների շարունակման շուրջ Մադրիդում իրենց կողմից առաջարկված հիմնավոր սկզբունքների շուտափույթ ընդունմանն աջակցելը: Ամերիկացի համանախագահ Մեթյու Բրայզան իր հերթին հաղորդել է, որ միջնորդների ներկայիս այցի ընթացքում քննարկումներ են անցկացվելու Ադրբեջանի եւ Հայաստանի նախագահների հերթական հանդիպման կազմակերպման վերաբերյալ: Այդ հանդիպումը կարող է կայանալ հունվարի 29- փետրվարի 1 կայանալիք Դավոսյան տնտեսական համաժողովի շրջանակներում: «Նախագահների հանդիպումը կախված է լինելու Բաքվում եւ Երեւանում մեր բանակցություններից: Այս ամիս բանակցությունների համար հիանալի հնարավորություն կա: Հավատում ենք եւ հուսով ենք, որ Ադրբեջանի ու Հայաստանի նախագահների հանդիպումը կկայանա»,- նշել է Մ.Բրայզան: Նախօրեին ՀՀ ԱԳՆ ղեկավար Էդվարդ Նալբանդյանը հայտնել է, որ Երեւանը պատրաստ է շարունակել բանակցային գործընթացը մադրիդյան սկզբունքների հիման վրա` հենվելով Մոսկվայում եւ Հելսինկիում անցկացված հանդիպումների արդյունքների վրա: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |