Հայաստանի վրա մեծ ազդեցություն են ունեցել օգոստոսյան պատերազմը եւ տնտեսական ճգնաժամը 3 հուլիսի 2009 - 21:40 AMT PanARMENIAN.Net - 2008-ը ծանր տարի էր ոչ միայն Եվրոպայի, այլ նաեւ նրա բոլոր արեւելյան գործընկերների համար: Օգոստոսյան պատերազմը, տնտեսական ճգնաժամը, Մոսկվայի եւ Կիեւի միջեւ գազային հակամարտությունն ազդել են ԵՄ արեւելյան գործընկերների վրա եւ դանդաղեցրել են այդ երկրներում բարեփոխումների ընթացքը: Այդ մասին Հայաստանի կողմից Եվրոպական հարեւանության քաղաքականությունը եւ «Արեւելյան գործընկերություն» նախաձեռնությունն իրագործելու թեմայով քննարկման ժամանակ հայտարարել է Հայաստանում Եվրահանձնաժողովի առաքելության ղեկավար, դեսպան Ռաուլ Դե Լուցենբերգերը:«Հայաստանի վրա մեծ ազդեցություն են ունեցել օգոստոսյան պատերազմը եւ տնտեսական ճգնաժամը, ինչպես նաեւ ներքաղաքական ճգնաժամը, որն առաջացել է երկրում նախագահական ընտրություններից հետո: Այս ամենն անդրադարձել է Եվրոպական հարեւանության քաղաքականության գործընթացի իրագործման վրա»,- ընդգծել է դեսպանը: Միաժամանակ, Ռաուլ Դե Լուցենբերգերի խոսքերով, Հայաստանն ակտիվացրել է իր քայլերը տարածաշրջանային համագործակցության ոլորտում` երկխոսություն սկսելով Վրաստանի հետ: «Երեւանը եւ Անկարան սկսել են «ֆուտբոլային դիվանագիտություն»` ավելի վաղ հայտարարելով «ճանապարհային քարտեզի» մասին: Առաջընթաց է նկատվում նաեւ Լեռնային Ղարաբաղի հակամարտության կարգավորման գործընթացում»,- նկատել է եվրոպական դիվանագետը: «2008-ի մարտի 1-2-ի դեպքերից հետո մարդու իրավունքների եւ ժողովրդավարության ոլորտում նկատվում է իրավիճակի վատթարացում: Ելնելով դրանից` Հայաստանում գտնվող ԵՄ Խորհրդակցական խումբը եւ ՀՀ մարդու իրավունքների պաշտպանության ինստիտուտը մշակում են Մարդու իրավունքների պաշտպանության գործողությունների ծրագիր»,- հայտարարել է Ռաուլ Դե Լուցենբերգերը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |