Հայաստանը պատրաստ է ապահովել ԼՂՀ անվտանգությունը 2 դեկտեմբերի 2009 - 18:58 AMT PanARMENIAN.Net - Այն փաստը, որ Հայաստանը, Ադրբեջանն ու ԵԱՀԿ ՄԽ միասին հայտարարեցին ԵԱՀԿ Հելսինկյան Խարտիայի երեք հայտնի սկզբունքների հիման վրա ղարաբաղյան հակամարտության լուծման շուրջ բանակցությունները շարունակելու վճռականության մասին, խոսում է այն մասին, որ հակամարտության լուծման գործընթացը շարժվում է 2008թ. դեկտեմբերին Հելսինկիում ԵԱՀԿ ՄԽ հայտարարության մեջ ներկայացված ուղղությամբ: Այդ մասին PanARMENIAN.Net ի թղթակցին հայտնեց «Բարգավաճ Հայաստան» խմբակցության քարտուղար, ԵԱՀԿ ԽՎ-ում Հայաստանի խորհրդարանական պատվիրակության ղեկավար Արամ Սաֆարյանը: Նրա խոսքով, կարելի է արձանագրել, որ բանակցային գործընթացը շարունակվում է Մադրիդյան եւ վերամշակված Կրակովյան սկզբունքների շուրջ Հայաստանի ու Ադրբեջանի դիրքորոշումները մերձեցնելու նպատակով: «Դա դրական ֆոնի վկայությունն է, որն ակնկալում է ԵԱՀԿ-ն ղարաբաղյան հակամարտության լուծման գործում»,- ասաց նա:Դրա հետ մեկտեղ Սաֆարյանը նշեց, որ հայկական կողմը չի կարող միաժամանակ արձանագրել, որ ԵԱՀԿ ՄԽ շրջանակներում ադրբեջանցի դիվանագետների հայտարարությունները տարբերվում են վերջին օրերս ակտիվացած ռազմատենչ ճարտասանությունից, որը հնչում է Բաքվում: «Եթե անգամ այդ հայտարարությունները կատարվում են ներքին օգտագործման եւ սեփական այսպես կոչված սկզբունքային դիրքերի ներկայացման համար, ապա մենք պետք է հստակ գիտակցենք, որ Ադրբեջանը շարունակելու է Թուրքիայի օգնությամբ միակողմանի շահ փնտրել բանակցային գործընթացում: Այդ առիթով ցանկանում եմ հիշեցնել Հայաստանի կոալիցիոն իշխանության վճռականությունը խաղաղ լուծման որոնումների շուրջ բանակցությունները շարունակելու եւ Հայաստանի ու ԼՂՀ անվտանգության ապահովման վերաբերյալ Հայաստանի իշխանությունների պատրաստակամությունը հաստատելու հարցում` դրա համար հատկացնելով բոլոր անհրաժեշտ ռեսուրսները»,- ընդգծեց Արամ Սաֆարյանը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |