«Ազատության նավատորմի» միջադեպը լուրջ գործոն կդառնա մահմեդական համերաշխության համար 1 հունիսի 2010 - 14:00 AMT PanARMENIAN.Net - Իսրայելի ափի մոտ տեղի ունեցած «Ազատության նավատորմի» միջադեպը դարձավ թուրք-իսրայելյան հարաբերությունների լարվածության գագաթնակետը, և դրա հետևանքները դեռ երկար են զգացվելու: Այդ մասին Երևանում մամլո ասուլիսում հայտարարել է թուրքագետ Ռուբեն Մելքոնյանը: Նրա խոսքերով, Թուրքիայի և Իսրայելի միջև հարաբերություններն անամպ չէին, բայց փոխհարաբերությունները և ռազմական և ռազմավարական համագործակցությունը միշտ ամուր են եղել: «Ինձ չի թվում, որ այդ միջադեպն Իսրայելի և Թուրքիայի միջև կհանգեցնի զանգվածային ռազմական գործողությունների: Նման դեպքերում թուրքական կողմը շեշտը կդնի դիվանագիտական աղբյուրների վրա: Երեկվա միջադեպը պետք է դիտարկել Մերձավոր Արևելքում իր դիրքերն ամրապնդելու և Իրանի ու արաբական աշխարհի երկրների աչքում իր դերը բարձրացնելու Անկարայի ձգտման համատեքստում»,- ասել է փորձագետը: Նրա խոսքերով, Թուրքիայում արդեն մի քանի տարի նկատվում են մահմեդական միտումներ, որոնք ամբողջությամբ տեղավորվում են նեոօսմանիզմի գաղափարախոսության մեջ, որի վառ ներկայացուցիչը Թուրքիայի ԱԳՆ ղեկավար Ահմեդ Դավութօղլուն է: Թուրքագետն ավելացրեց, որ «Ազատության նավատորմի» միջադեպը լուրջ գործոն կդառնա մահմեդական համերաշխության համար, ինչը նոր մարտահրավերներ կբերի Հայաստանին: «Եթե առաջիկա խորհրդարանական ընտրություններում հաղթի Թուրքիայում իշխող կուսակցությունը, ապա կարելի է սպասել մահեմդական միտումների ուժգնացում: Բացառված չէ, որ էթնիկական հակամարտությունների հետ միասին մեր շուրջ առաջանան նաև կրոնական տարաձայնություններ»,- նշել է Ռուբեն Մելքոնյանը: Նա ընդգծեց, որ այսօր Թուրքիայի առաջ կանգնած են ոչ միայն լուրջ արտաքին, այլ նաև ներքին խնդիրներ` հաշվի առնելով Քրդական աշխատանքային կուսակցության ակտիվությունը Թուրքիայի տարածքում: Թուրքագետն ասաց, որ վերջին օրերին Թուրքիայում ուժեղացել են հակասեմիտական տրամադրությունները, և հրեական համայնքին լուրջ վտանգ է սպառնում: «Անցյալում եղել են դեպքեր, երբ հրեական կոտորածների ժամանակ տուժել են նաև Թուրքիայի հայերը»,- ասել է փորձագետը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |