  Մոտ օրերս «ԼՂՀ անկախության ճանաչման մասին» օրինագիծը քվեարկության կառաջադրվի, գտնում է Րաֆֆի Հովհաննիսյանը  25 հոկտեմբերի 2010 - 19:25 AMTPanARMENIAN.Net - «Ես կարծում եմ, որ ՀՀ ԱԺ այս քառօրյակի ընթացքում «ԼՂՀ անկախության ճանաչման մասին» օրինագիծը քվեարկության կառաջադրվի»,- PanARMENIAN.Net ի թղթակցի հետ զրույցում հայտնել է «Ժառանգություն» կուսակցության վարչության նախագահ Րաֆֆի Հովհաննիսյանը: Նրա խոսքով, խմբակցությունն արդեն պատրաստ է քվեարկության անցկացմանը: «Ստեղծված իրադրության մեջ լավագույն որոշումը կլինի այս օրինագծի ընդունումը»,- ասել է Հովհաննիսյանը` ավելացնելով, որ դրանից հետո արդեն կարելի կլինի ճշտել հետագա քայլերը: Հայաստանի Հանրապետական կուսակցության խորհրդարանական խմբակցության ղեկավար Գալուստ Սահակյանն իր հերթին PanARMENIAN.Net ի թղթակցի հետ զրույցում ասել է. «Մենք երազում ենք, որպեսզի ԼՂՀ-ն ճանաչվի որպես անկախ պետություն, և այդ նպատակին հասնելու համար հարկավոր է գործարկել դիվանագիտական լծակները: Ղարաբաղյան հակամարտության հարցում մենք ընտրել ենք ԵԱՀԿ Մինսկի խմբի շրջանակներում խաղաղ կարգավորման ձևաչափը, և խաղի կանոնների փոփոխությունը բանակցությունների ձևաչափի փոփոխության կհանգեցնի»: Գալուստ Սահակյանի խոսքով, «ԼՂՀ անկախության ճանաչման մասին» օրինագծի հեղինակներն այդ մասին լռում են: Ընդ որում, նա նկատել է, որ ՀՀԿ խմբակցությունը հանդես է գալիս սույն հարցը ՀՀ ԱԺ մեծ օրակարգում ներառելու` «Ժառանգության» գաղափարի դեմ: «Մենք բազմիցս «Ժառանգությանը» կոչ ենք արել դադարեցնել այդ հարցի շուրջ բոլոր քննարկումները և պարզապես թողնել այդ օրինագիծը ՀՀ ԱԺ շրջանառության մեջ»,- ասել է Գալուստ Սահակյանը` ավելացնելով, որ կուսակցությունը քննարկել է այդ հարցը և որոշել, որ այդ օրինագիծը չի կարող ներառվել Հայաստանի խորհրդարանի մեծ օրակարգում:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըՇոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |
