Րաֆֆի Հովհաննիսյանը բացառել է դաշինքը Ռոբերտ Քոչարյանին սատարող քաղաքական ուժերի հետ 19 մայիսի 2011 - 13:58 AMT PanARMENIAN.Net - «Ժառանգության» կուսակցության առաջնորդ Րաֆֆի Հովհաննիսյանը բացառել է դաշինքը Ռոբերտ Քոչարյանին սատարող քաղաքական ուժերի հետ: Այդ մասին Երևանում կայաված մամլո ասուլիսում հայտարարել է Հովհաննիսյանը՝ հերքելով այն լուրերը, թե վերջերս մի շարք քաղաքական ուժերի գաղտնի հավաք է տեղի ունեցել՝ Ռոբերտ Քոչարյանին հնարավոր աջակցության հարցի շուրջ: «Ես չեմ հավատում փակ հանդիպումների: Եթե նման մի հանդիպում ես ունենամ, որը հանրային հետաքրքրություն կներկայացնի, ապա ես ինքս կլինեմ այդ հանդիպման վերաբերյալ տեղեկությունների աղբյուրը»,-ասել է նա: Րաֆֆի Հովհաննիսյանը նշել է, որ «Ժառանգության» օրակարգում դեռևս չկա այլ քաղաքական ուժերի հետ դաշինքի հարց՝ ԱԺ ընտրություններին մասնակցելու համար: Նա ասել է նաև, որ կուսակցությունը կշարունակի քննարկումներն այլ քաղաքական ուժերի հետ: Հովհաննիսյանը կարևորել է նաև կուսակցության մայիսի 21-ին կայանալիք «քաղաքացիական հավաքը», որի ժամանակ նա ակնկալում է երկրում առկա խնդիրների և դրանց հաղթահարման ուղիների բաց հանրային քննարկում: «Մայիսի 21-ը կարևոր փուլ է ինձ համար որպես քաղաքացու, քանի որ այդ բանավեճից հետո ինձ համար պարզ կդառնա առկա հանրային մարտահրավերների, հայի առօրյա հարցերի, ինչպես նաև իրավաքաղաքական ու ներքաղաքական հարցերի լուծումը»,-ասել է նա: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |