Կալանավորների առողջության իրավունքի պաշտպանությունը գտնվում է հանրային դիտորդների ուշադրության կենտրոնում21 սեպտեմբերի 2009 - 20:18 AMT PanARMENIAN.Net - Այսօր Ծաղկաձորում ավարտվեց Հայաստանի ազատազրկման վայրերում առողջության իրավունքի եւ միջազգային չափանիշների թեմայի շուրջ ԵԱՀԿ աջակցությամբ կազմակերպված ուսումնական ծրագիրը, հաղորդում է ԵԱՀԿ երեւանյան գրասենյակի մամլո ծառայությունը: Քրեակատարողական հիմնարկների եւ Ձերբակալված անձանց պահելու վայրերի հասարակական դիտորդական խմբերի անդամները եւ վերապատրաստվող ապագա դիտորդները մասնակցեցին երկօրյա ծրագրին, որը կազմակերպվել է «Քաղաքացիական հասարակության ինստիտուտ» հասարակական կազմակերպության կողմից` ԵԱՀԿ երեւանյան գրասենյակի աջակցությամբ` Բաց հասարակության ինստիտուտի հայաստանյան գրասենյակի, Բուդապեշտի մարդու իրավունքների եւ դրամաշնորհների կառավարման ծրագրի, Նյու Յորքի առողջապահություն եւ իրավունք նախաձեռնության հետ համագործակցությամբ: «Ազատազրկման վայրերի դիտորդումը ազատազրկվված անձանց առողջության իրավունքի պաշտպանման լավագույն գործիքներից է», - ասաց ԵԱՀԿ երեւանյան գրասենյակի ղեկավար դեսպան Սերգեյ Կապինոսը: - «Խմբերը, ինչպես նաեւ քրեակատարողական հիմնարկների պատասխանատու մարմինները համապատասխան ուշադրություն պետք է դարձնեն առողջության իրավունքի բոլոր բաղադրիչներին` ներառյալ բժշկական ծառայությունից օգտվելը, համապատասխան խնամքը, հիվանդի համաձայնությունը, գաղտնիությունը եւ մասնագիտական որակը: Մենք հավատացած ենք, որ այս դասընթացը կհզորացնի հասարակական դիտորդների մասնագիտական կարողությունները եւ կխթանի քրեակատարողական հիմնարկների պայմանների եւ վարվելակերպի կանոնների համապատասխանությունը մարդու իրավունքների միջազգային չափանիշներին»: Միջազգային եւտեղի փորձագետները դասընթացներ վարեցին առողջության իրավունքի միջազգային չափանիշների, ազատազրման վայրերում վնասների նվազեցման ազգային մեխանիզմների եւ միջազգային լավագույն փորձի վերաբերյալ: Ծրագրի շրջանակներում մասնակիցները այցելեցին քրեակատարողական հիմնարկներ եւ կալանավորվածներին պահելու վայրեր` դիտորդելու ազատազրկված անձանց պահելու պայմանները: «Ուսումնական ծրագրի նպատակն է կատարելագործել դիտորդների մասնագիտական հմտությունները` տրամադրելով ազատազրկված անձանց առողջության իրավունքի պաշտպանման միջազգային փորձի վերաբերյալ գիտելիքներ` այդմ խրախուսելով առավել արդյունավետ դիտորդում», հավելեց Քրեակատարողական հիմնարկների հասարակական դիտորդական խմբի ղեկավար Արման Դանիելյանը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ռուս սահմանապահները Ներքին Հանդում այլևս չեն հսկում անցուդարձը, հավաքել են մալուխները Անցակետում մի քանի ռուս զինվորականներ կան, որոնք արդեն կից դիտակետից չեն հսկում անցուդարձը ԱԳ նախարար․ Ալմաթիի հռչակագրի ամրագրումն Ադրբեջանի հետ պայմանագրում կարող է խաղաղություն հաստատել «Ես իմ գործընկերոջը ներկայացրել եմ Հարավային Կովկասում առկա վիճակը»,–ասել է նա Միրզոյանը դասալիք է անվանել «Տավուշը հանուն հայրենիքի» շարժմանը միացած դիվանագետներին Միրզոյանի կարծիքով՝ սա ամենամեղմ գնահատականն է, որ կարող է իրեն թույլ տալ հնչեցնել Միրզոյան․ Ադրբեջանի ԱԳ նախարարի հետ բանակցությունները կառուցողական էին Նա հավելել է, որ գործընթացը շարունակվում է |