«Կենգուրու-2010»-ի հաղթողները կմեկնեն Բուլղարիա17 հունիսի 2010 - 20:58 AMT PanARMENIAN.Net - Հունիսի 17-ին ՀՀ կրթության և գիտության նախարարությունում ամփոփվեցին այս տարի երկրորդ անգամ անցկացված «Կենգուրու» միջազգային մաթեմատիկական խաղ-մրցույթի արդյունքները: Մրցույթի հաղթողներին` Երևանի Ա. Շահինյանի անվ. ֆիզիկամաթեմատիկական դպրոցի աշակերտ Էդգար Մինասյանին ու Արարատի մարզի Վանաշեն գյուղի միջնակարգ դպրոցի աշակերտ Աբրահամ Գրիգորյանին շնորհավորեց ԿԳՆ հանրակրթության վարչության պետ Նարինե Հովհաննիսյանը: Նա ավանդույթի համաձայն հայ արվեստի գործերի պատկերներով գրքեր է շնորհել նրանց: Նարինե Հովհաննիսյանն իր գոհունակությունն է հայտնել այն փաստի առթիվ, որ «Կենգուրու» մրցույթը յուրօրինակ հնարավորություն է` նորովի մտածելու, տեսնելու և սիրելու «Մաթեմատիկա» առարկան, ինչպես նաև կարևոր է մյուս առարկաների յուրացման և, առհասարակ, կրթական համակարգի զարգացման տեսանկյունից: Մրցույթի հաղթողներն իրենց ամառային արձակուրդները կանցկացնեն Բուլղարիայում կազմակերպվող միջազգային ճամբարում` այլ եվրոպական երկրներից (մաթեմատիկական մրցույթն անցկացվում է աշխարհի 50 երկրներում) «Կենգուրուի» հաղթողների հետ միասին` հանդիսանալով «Հայաստանի փոքրիկ դեսպանները Եվրոպայում»: Այս տարի մրցույթի առանձնահատկությունն այն էր, որ առաջին անգամ դրան մասնակցում էին Արցախի Հանրապետության 13 դպրոցի շուրջ 120 աշակերտ: Եվս մեկ նորամուծություն էր լրացուցիչ փուլի կազմակերպումը, քանի որ մրցույթի առավելագույն շեմը չէր հաջողվել հաղթահարել և ոչ մի մասնակցի: «Կենգուրուն» տրամաբանական և հետաքրքրաշարժ խնդիրներից կազմված մրցույթ է, որն ամեն տարի նույն օրն անցկացվում է շուրջ 50 երկրում` արդեն մոտ 6 միլիոն դպրոցականների մասնակցությամբ: Մրցույթի նպատակն է համընդհանուր հետաքրքրություն առաջացնել մաթեմատիկայի հանդեպ, և մաթեմատիկան առավել գրավիչ ու սիրելի դարձնել երեխաների համար: Անցալ տարվա 30 հազար մասնակցի փոխարեն այս տարի մարտին 18-ին անցկացված մրցույթին մասնակցել է շուրջ 40 հազար դպրոցական: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |