Հայաստանի ֆրանսիական բռնցքամարտի հավաքականը կմասնակցի Բելգրադում կայանալիք աշխարհի առաջնությանը11 հունիսի 2009 - 17:22 AMT PanARMENIAN.Net - Ֆրանսիական բոքսի հայկական ֆեդերացիան (այն անվանում են նաեւ եվրոպական քիկբոքսինգ) հավաքականը հունիսի 17-ին կմեկնի Սերբիայի մայրաքաղաք Բելգրադ, որտեղ հունիսի 18-20 կմասնակցի աշխարհի առաջնության որակավորման փուլին: Ինչպես հաղորդել է ՀՀ-ում Ֆրանսիական բռնցքամարտի ֆեդերացիայի նախագահ Ռոբերտ Ռոստոմյանը, առաջնությունում հավաքականը կներկայացնեն 4 բռնցքամարտիկներ` Սմբատ Հարությունյանը (65կգ ք/կ), Արամ Մարգարյանը (70 կգ ք/կ), Գեւորգ Թորոսյանը (75կգք/կ) եւ երիտասարդական մրցաշարում հանդես կգա Վահե Գեւորգյանը (60կգք/կ): «Մեր ֆեդերացիան հիմնադրվել է 2003թ.: Մենք ակնհայտ հաջողությունների ենք հասել: 2005-ին մենք արծաթ բերեցինք աշխարհի առաջնությունից, 2006-ին` բրոնզ Եվրոպայի առաջնությունից: Իսկ 2007թ. Հունաստանում կայացած միջազգային մրցաշարում մեր 6 մարզիկներ առաջին տեղերը զբաղեցրեցին, իսկ երկուսն արժանացան արծաթե մեդալների»,-ասել է Ռոստոմյանը` հավելելով, որ մեծ հույսեր է կապում հայ բռնցքամարտիկների հետ առաջիկա մրցաշարում: ՀՀ հավաքականի գլխավոր մարզիչն է Վոլոդյա Խալաթյանը, որը գրեթե 6 ամիս է, ինչ մարզում է թիմը: Ֆրանսիական բոքսը սավատի, որը մաշված կոշիկներով ֆրանսիական փողոցային մարտարվեստ է, դասական անգլիական բռնցքամարտի սինթեզ է: Ֆրանսիական բռնցքամարտը երեք ոճ ունի` սուսերամարտ, թեթեւ եւ ուժեզ հարվածային մարտաձեւեր: Հայաստանում ֆրանսիական բոքսով զբաղվում է մոտ 500 հոգի: Ըստ Ռոբերտ Ռոստոմյանի, Բելգրադում հաջող հանդես գալու դեպքում, հայկական թիմի բռնցքամարտիկներն իրավունք կստանան մասնակցելու աշխարհի առաջնության եզրափակիչ մենամարտերին, որոնք տեղի կունենան տարբեր երկրներում նոյեմբերին ու դեկտեմբերին: «Մենք մտադիր ենք նաեւ հոկտեմբերին անցկացնել Հայաստանի առաջնություն: Նույն ամսում Բելգիայում տեղի կունենա Եվրոպայի առաջնություն թեթեւ մարզաոճում, որին մասնակցելու հրավեր մենք արդեն ստացել ենք»,-ասել է Ռոստոմյանը: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |