Վարդան Մինասյան. EURO-2012 նախընտրական մրցաշարի «B» խմբի խաղացանկը հաջող է Հայաստանի հավաքականի համար

PanARMENIAN.Net - Հայաստանի ֆուտբոլի հավաքականի գլխավոր մարզիչ Վարդան Մինասյանը գտնում է, EURO-2012 նախընտրական մրցաշարի «B» խմբի խաղացանկը հաջող է Հայաստանի հավաքականի համար: «Հենց այդպիսի խաղացանկով մենք կցանկանայինք խաղալ նախընտրական մրցաշարում»,- ասել է Մինասյանը PanARMENIAN.Net ի թղթակցի հետ զրույցում` մեկնաբանելով EURO-2012 նախընտրական մրցաշարի վիճակահանությունը:



Հայաստանի հավաքականի գլխավոր մարզիչը նշել էր, որ մարզչական շտաբն առաջին հանդիպումը կցանկանար անցկացնել Իռլանդիայի հավաքականի հետ: Եւ վիճակահանությունն այդպես էլ բաշխեց խաղերը: «Մարտին մենք կհանդիպենք Ռուսաստանի հավաքականի հետ հավասար պայմաններում, քանի որ երկու երկրների առաջնությունները մեկնարկում են մարտին,- ասել է Մինասյանը:- Առաջին հանդիպումները մենք այստեղ կանցկացնենք, եւ եթե մեկնարկը լավը լինի, ապա այդպես էլ կշարունակենք»:



UEFA վիճակահանության արդյունքում Հայաստանի հավաքականը ելույթ կունենա հետեւյալ խաղացանկով`



03.09.10 Հայաստան-Իռլանդիա

07.09.10 Մակեդոնիա-Հայաստան

08.10.10 Հայաստան-Սլովակիա

12.10.10 Հայաստան-Անդորրա

26.03.11 Ռուսաստան-Հայաստան

04.06.11 Հայաստան-Ռուսաստան

02.09.11 Անդորրա-Հայաստան

06.09.11 Սլովակիա-Հայաստան

07.10.11 Հայաստան-Մակեդոնիա

11.10.11 Իռլանդիա-Հայաստան