ԱՇԽԱՐՀԱԳՐՈՒԹՅԱՆ ԵՎ ՊԱՏՄՈՒԹՅԱՆ, ԺՈՂՈՎՈՒՐԴՆԵՐԻ ՄԻՋԵՎ ԲԱԶՄԱՆԻՍՏ ԿԱՊԵՐԻ ՇՆՈՐՀԻՎ ՌՈՒՍԱՍՏԱՆԻ ՇԱՀԵՐԸ ՍԵՐՏՈՐԵՆ ՄԻԱՀՅՈՒՍՎԵԼ ԵՆ ԵՎ ՀԱՅԱՍՏԱՆԻ, ԵՎ ԱԴՐԲԵՋԱՆԻ ՇԱՀԵՐԻ ՀԵՏ 9 մարտի 2005 - 09:10 AMT PanARMENIAN.Net - Աշխարհագրության եւ պատմության, ժողովուրդների միջեւ բազմանիստ կապերի, փոխներթափանցման շնորհիվ Ռուսաստանի շահերը սերտորեն միահյուսվել են ե՛ւ Հայաստանի, ե՛ւ Ադրբեջանի շահերի հետ, թեեւ յուրաքանչյուր երկրի հետ` յուրովի: Այս մասին «Երկիր» շաբաթաթերթի կայքում հրապարակված հարցազրույցում հայտարարել է 1992-1996 թվականներին ԵԱՀԿ Մինսկի խմբի Ռուսաստանի կողմից համանախագահ Վլադիմիր Կազիմիրովը: Նրա խոսքերով` Մոսկվայի համար ամենակարեւորը տարածաշրջանում անվտանգության հուսալի ապահովումն է: Այդ պատճառով Ռուսաստանը օբվյեկտիվորեն «դատապարտված էր» պայքարել Ղարաբաղում արյունահեղությունը դադարեցնելու, իսկ ներկայումս` վիճելի հիմնախնդիրները խաղաղ հանգուցալուծելու համար: Բուն Լեռնային Ղարաբաղի բնակչությունից, ադրբեջանցի եւ հայ ժողովուրդներից բացի, այս մոլորակի վրա ոչ ոք այնքան շահագրգռված չէ դրանում, որքան Ռուսաստանը: Մեկնաբանելով այն կարծիքը, որ Ռուսաստանը կորցնում է վերահսկողությունը Կովկասում` Վ.Կազիմիրովը հայտարարել է, թե չի կարծում, որ Ռուսաստանի ազդեցությունը Անդրկովկասում կամ Հարավային Կովկասում կարելի է վերահսկողություն անվանել: Անկախ պետությունների ի հայտ գալով` վերահսկողությունն անցել է նրանց, եւ կարեւոր է, որ նրանք չկորցնեն այն: Մարդկային հասարակության զարգացման արագացմանը զուգընթաց տեղի է ունենում գլոբալացման գործընթացներում բոլոր երկրների բնական ներգրավում, նաեւ դրա վրա մակաբուծող անդրազգային հրեշների շոշափուկների տարածում: Դժվար թե ինչ-որ տարածաշրջաններ կամ երկրներ կարող են անհաղորդակից մնալ ընդհանուր գործընթացներին` ինչպես դրական, այնպես էլ` ոչ այնքան, նշել է նա: «Իսկ Ռուսաստանի ազդեցությունը կապահովվի աշխարհագրությամբ եւ պատմությամբ, մշակութային եւ մարդկային ճակատագրերի կապերով: Մի՞թե Ադրբեջանի եւ Հայաստանի անկախացումից հետո պակասել է դեպի Ռուսաստան ձգտող նրանց բնակիչների թիվը»,- ավելացրել է Վլադիմիր Կազիմիրովը: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ ՌԴ մասնագետները երկաթուղու ջրալցված հատվածների մանրազնին հետազոտություն են իրականացնում Ներկայում իրականցվում է էլեկտրաենթակայանների չորացում, վերականգնվում է վնասված կայանների էլեկտրամատակարարումը |