  ՀՀ նախագահը եւ Մ.Ֆրադկովը քննարկել են տարածաշրջանի էներգետիկ եւ տրանսպորտային ենթակառուցվածքների զարգացումը 3 դեկտեմբերի 2005 - 14:09 AMT PanARMENIAN.Net - Հայաստանի նախագահ Ռոբերտ Քոչարյանն այսօր հանդիպում է ունեցել Ռուսաստանի Դաշնության կառավարության նախագահ Միխաիլ Ֆրադկովի հետ, հաղորդում է նախագահի մամլո ծառայությունը: Հանրապետության նախագահը գոհունակություն է հայտնել հայ-ռուսական կապերի զարգացման առնչությամբ, որի արդյունքում երկու երկրների միջեւ ապրանքաշրջանառությունն աճել է 20 տոկոսով: Ռոբերտ Քոչարյանի խոսքերով, Հայաստանում Ռուսաստանի տարվա շրջանակում անցկացված մեծածավալ միջոցառումները տնտեսական եւ հումանիտար տարբեր ոլորտներում ակտիվ շփումների մեծ հնարավորություն ստեղծեցին: Անդրադարձ է եղել նաեւ «Գույք` պարտքի դիմաց» համաձայնագրով Ռուսաստանին փոխանցված հայկական ձեռնարկությունների գործարկման հեռանկարին: Ռուսաստանի կառավարության ղեկավարը հավաստիացրել է, որ ներկայումս քննարկվում է այդ ձեռնարկությունների աշխատանքն առավել արդյունավետ կազմակերպելու հնարավորությունները: Զրուցակիցներն ընդգծել են, որ տնտեսական համագործակցությանը վերաբերող հարցերի ամբողջ շրջանակը ներառված է Տնտեսական ու գիտատեխնիկական համագործակցության հարցերով հայ-ռուսական միջկառավարական հանձնաժողովի օրակարգում: Առանձին քննարկում է ծավալվել նաեւ տարածաշրջանի էներգետիկ եւ տրանսպորտային ենթակառուցվածքների զարգացման հարցերի շուրջ:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Բաժիններ թեմայով Վերջին լուրեր Ոստիկանի արձագանքը քաղաքացիների հարցին․ «Բիրտ ուժ երևի չեք տեսել»  Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթինՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը«Տավուշը հանուն հայրենիքի» շարժումը կոչ է արել ֆրանսահայ Նիկոլյանին դադարեցնել հացադուլը Նիկոլյանը մարտին գրեթե 1 ամիս ապրել է Ոսկեպարում, տեսանյութեր պատրաստել միջազգային մամուլի համար |
