Լիտվան առանձնակի ուշադրություն է դարձնում Հարավային Կովկասի տարածաշրջանին18 հունիսի 2007 - 18:42 AMT PanARMENIAN.Net - Լիտվան առանձնակի ուշադրություն է դարձնում Հարավային Կովկասի տարածաշրջանին, հայտարարել է Լիտվայի նախագահ Վալդաս Ադամկուսը: «Մի կողմից մենք տեսնում ենք այստեղ Եվրոպայի եւ եվրաատլանտյան կառույցների ուղղությամբ շարժվելու մեր սեփական փորձի արտացոլումը: Մյուս կողմից, մենք հասկանում ենք, որ այդ տարածաշրջանը շատ կարեւոր է ողջ Եվրոպայի անվտանգության եւ կայունության տեսակետից: Հարավային Կովկասը մենք պատկերացնում ենք որպես բարգավաճ տարածաշրջան, ուղղորդված դեպի Եվրոպան եւ լավ հարաբերություններով հարեւանների հետ»,-նշել է նա: Պատասխանելով ՎՈՒԱՄ երկրների հետ Լիտվայի հետագա համագործակցության մասին հարցին` Վ.Ադամկուսը հայտարարել է. «Մենք ողջունում եւ հավանություն ենք տալիս Ադրբեջանի,Վրաստանի, Ուկրաինայի եւ Մոլդովայի որոշմանն, ուղղված տարածաշրջանում ժողովրդավարության, կայունության, բարգավաճման ամրապնդմանն ու զարգացմանը եւ նրանց որոշումը` սերտորեն համագործակցելու եւ համատեղ ջանքերը համակարգելու վերաբերյալ: ՎՈՒԱՄ երկրների նախաձեռնությունը, տարածաշրջանային կոչերը եւ ընդլայնված հնարավորությունների իրականացումը նրանց իրոք առաջատար է դարձնում տարածաշրջանում: Լիտվան ողջունում է իր ներգրավվածությունը ՎՈՒԱՄ-ի գործունեությանը` մի կազմակերպության, որը լուծում է Լիտվայի եւ ողջ Եվրոպայի համար կենսական նշանակություն ունեցող հարցեր` ժողովրդավարության ամրապնդում, էներգետիկ անվտանգություն, տրանսպորտային կապի զարգացում, «սառեցված հակամարտությունների» լուծում եւ այլն: Ավելին, նշել է նա: Լիտվան ուրախ է տեսնել, որ ՎՈՒԱՄ-ի գործունեությունը եւ այդ երկրներում անցկացվող բարեփոխումները ավելի են մերձեցնում ԵՄ-ն եւ ՎՈՒԱՄ-ը: Լիտվան ակտիվորեն պայքարում է, որ ԵՄ-ն բաց լինի ՎՈՒԱՄ-ի անդամ երկրների քաղաքացիների համար զբոսաշրջության, բիզնեսի եւ տարբեր փոխանակման ծրագրերի միջոցով: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Մինչև 2 տարեկան երեխաները կկարողանան մանկապարտեզ հաճախել Դա դեռևս պիլոտային ծրագիր է Կիրանցում բնակիչները քանդում են գույքը՝ տարածքը հանձնելուց առաջ Բնակիչներից մեկն էլ փորձել է այրել իր հողակտորը, որը ևս պետք է անցնի Ադրբեջանին Հայաստանում առաջին մյուսլի արտադրող ընկերությունն է հիմնադրվել Հայկական առաջին մյուսլիների արտադրության գործընկերն Ակբա Ֆեդերացիան է Բիբլոս Բանկ Արմենիան` ապագա նորարաների կողքին. Բարի գալուստ CaseKey 2024 Առաջիկա 6 ամսվա ընթացքում մասնակիցները կլուծեն 4 բիզնես քեյս |