Սերժ Սարգսյանը հուլիսի 5-ին Աստանայում մասնակցել է ԵՎՐԱԶԵՍ-ի միջպետական խորհրդի նիստին 5 հուլիսի 2010 - 17:33 AMT PanARMENIAN.Net - Հայաստանի նախագահ Սերժ Սարգսյանը հուլիսի 5-ին Ղազախստանի մայրաքաղաք Աստանայում մասնակցել է Եվրասիական տնտեսական ընկերակցության (ԵՎՐԱԶԵՍ) միջպետական խորհրդի նիստին: Նիստի աշխատանքներին մասնակցել են նաև Ռուսաստանի, Ղազախստանի, Բելառուսի, Ղրղզստանի և Տաջիկստանի նախագահները: Պետության ղեկավարները բանակցություններ են վարել նեղ, ապա` ընդլայնված կազմով, որից հետո ստորագրել են նիստի ամփոփիչ փաստաթղթերը: Նիստում, մասնավորապես, անդրադարձ է եղել ԵՎՐԱԶԵՍ-ի շրջանակում մաքսային միության ձևավորմանը, համաշխարհային ֆինանսական ճգնաժամի հետևանքների հաղթահարման ուղղությամբ ԵՎՐԱԶԵՍ-ի անդամ երկրների համատեղ միջոցառումների իրականացման ծրագրին և կազմակերպության գործունեության հետ կապված մի շարք այլ հարցերի: Հայաստանն այդ կազմակերպությունում 2003 թվականից ունի դիտորդի կարգավիճակ: Աստանայում նախագահ Սերժ Սարգսյանը հանդիպում է ունեցել նաև Ղրղզստանի անցումային շրջանի նախագահ Ռոզա Օթունբաևայի հետ: Հանրապետության ղեկավարը շնորհավորել է տիկին Օթունբաևային պաշտոնն ստանձնելու կապակցությամբ: Ղրղզստանի նորանշանակ նախագահը ներկայացրել է իր երկրում ստեղծված քաղաքական և տնտեսական իրավիճակը, ինչպես նաև երկրի ժողովրդավարացման ուղղությամբ ժամանակավոր կառավարության կողմից ձեռնարկվելիք քայլերը: Ղազախստան կատարած աշխատանքային այցի շրջանակում նախագահ Սերժ Սարգսյանն Աստանայում կմասնակցի նաև Մայրաքաղաքի օրվան նվիրված պաշտոնական ընդունելությանը: Հանրապետության նախագահի գլխավորած պատվիրակությունը հուլիսի 6-ին կվերադառնա Երևան, հաղորդում է ՀՀ նախագահի մամլո ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |