Թուրքիան պատրաստվում է հայ-թուրքական սահմանի բացմա՞նը 6 հուլիսի 2010 - 15:42 AMT PanARMENIAN.Net - Թուրքիայի ՆԳՆ հարցում է ուղարկել Կարսի եւ Իգդիրի մարզային վարչություններին` խնդրելով պատասխանել, թե որքան ժամանակ է պետք հայ-թուրքական սահմանի բացման նախապատրաստական աշխատանքներն ավարտին հասցնելու համար: TURKISHNY տեղեկատվական գործակալությունը գրում է, որ այդ հարցման մասին հայտարարությամբ հանդես է եկել Կարսի նահանգապետ Ահմեդ Կարան: Նահանգապետի հայտարարության մեջ մասնավորապես ասվում է. «Հայաստանի և Թուրքիայի ՆԳՆ-երի միջև համաձայնություն է ձեռք բերվել, որն անպայման իրագործվելու է, երբ երկու երկրների խորհրդարանները վավերացնեն արձանագրությունները: Սակայն, դեռևս երկու երկրների խորհրդարանները չեն վավերացրել արձանագրությունները, իսկ թե երբ այն կիրականացվի` հայտնի չէ: Մյուս կողմից` Կարսի և Իգդիրի մարզային վարչություններին հարցում է ուղարկվել այն մասին, թե որքա՞ն ժամանակ է հարկավոր սահմանի բացման համար, եթե Հայաստանն ու Թուրքիան որոշեն այն իրականացնել, և որքա՞ն ժամանակ է հարկավոր հաղորդակցման ուղիները վերականգնելու համար»: Միեւնույն ժամանակ նա հայտնել է, որ հայ-թուրքական սահմանի բացման դեպքում մեկ ամսվա ընթացքում բոլոր աշխատանքները կավարտվեն: Նրա խոսքերի համաձայն, արևելյան սահմանում աշխատանքները ներկայում դադարեցված են: «Սակայն, եթե Հայաստանն ու Թուրքիան համաձայնության գան և բացեն սահմանը, ապա արևելյան սահմանը մեկ ամիս անց լիարժեք պատրաստ կլինի», - ընդգծել է նա, ավելացնելով, որ հայ-թուրքական սահմանի բացման դեպքում իրենց կողմից խնդիրներ չեն ծագի: Կարսի նահանգապետն ավելացրել է նաև, որ սահմանի բացման դեպքում շահագործման պատրաստ կլինի նաև երկաթուղին: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի |