ՀՀ և Սերբիայի արտգործնախարարները պատրաստակամություն են հայտնել խորացնելու երկկողմ համագործակցությունը 4 ապրիլի 2011 - 20:53 AMT PanARMENIAN.Net - Ապրիլի 4-ին Հայաստանի արտգործնախարար Էդվարդ Նալբանդյանը, ով Բելգրադում է գտնվում պաշտոնական այցով Սերբիա ժամանած Հայաստանի Հանրապետության նախագահին ուղեկցող պատվիրակության կազմում, հանդիպեց Սերբիայի ԱԳ նախարար Վուկ Յերեմիչի հետ: Նախարար Նալբանդյանը նշեց, որ 2009թ. Սերբիայի նախագահ Բորիս Թադիչի այցելությունը Հայաստան, ինչպես նաև Հայաստանի նախագահի պաշտոնական այցը Սերբիա, նախագահների միջև ձեռք բերված պայմանավորվածությունները նոր էջ են բացում երկկողմ հարաբերություններում, և դա վկայում է Սերբիայի և Հայաստանի միջև համակողմանի համագործակցությունն ավելի խորացնելու և ամրապնդելու պատրաստակամության մասին: Հայաստանի արտգործնախարարը հավելեց, որ նախարարների մակարդակով պարբերական հանդիպումները հնարավորություն են ընձեռում հետևելու նախագահական մակարդակով ձեռք բերված պայմանավորվածությունների կատարմանը, մտքեր փոխանակելու տարբեր հարցերի շուրջ: Հանդիպման ընթացքում Հայաստանի և Սերբիայի արտաքին քաղաքական գերատեսչությունների ղեկավարները մանրամասն քննարկեցին հայ-սերբական հարաբերությունների հետագա զարգացմանն առնչվող հարցերի լայն շրջանակ, մասնավորապես` միջազգային կազմակերպություններում փոխգործակցության, արտգործնախարարությունների միջև խորհրդատվությունների անցկացման, իրավապայմանագրային դաշտի ընդլայնման, տնտեսական համագործակցության և մշակութային փոխանակումների ակտիվացման ուղղությամբ ձեռնարկվելիք քայլերը: Զրուցակիցները քննարկեցին միջազգային և տարածաշրջանային հարցեր, մասնավորապես անդրադարձան Կովկասում և Բալկաններում առկա հիմնահարցերի շուրջ վերջին զարգացումներին, հաղորդում է ՀՀ ԱԳՆ մամուլի, տեղեկատվության և հասարակայնության հետ կապի վարչությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |