Հաքերները կոտրել են «Եվրատեսիլ-2012»-ի պաշտոնական կայքերը17 մայիսի 2012 - 17:22 AMT PanARMENIAN.Net - Հաքերները կոտրել են «Եվրատեսիլ-2012» պաշտոնական կայքերը, հայտնում է ԻՏԱՐ-ՏԱՍՍ գործակալությունը: Կիբերհարձակման են ենթարկվել www.eurovision.az, www.eurovision.com և մի քանի այլ կայքեր, ներկայումս այդ կայքերից ոչ մեկը չի աշխատում, սակայն տեխնիկական ծառայությունը փորձում է վերացնել անսարքությունները: Որոշ տվյալնելով, պատասխանատվությունը ստանձնել է «Ազատության ֆեդաիներ» հաքերային խմբավորումը: Կայքերից մեկում, մասնավորապես, նրանք զետեղել էին իսլամիստներին քննադատած ադրբեջանցի գրող-հրապարակախոս Ռաֆիկ Թաղիի լուսանկարն ու իրենց պահանջները: Անցյալ տարվա նոյեմբերին նա սպանվեց Բաքվում: Եվրոպական հեռարձակողների միությունը տուգանել է Հայաստանին «Եվրատեսիլ-2012»-ին մասնակցելուց հրաժարվելու համար: Եթե Հայաստանը չհեռարձակի մրցույթը, երկիրը կկորցնի հաջորդ տարվա մրցույթին մասնակցելու իրավունքը: Ընթացիկ տարվա հունվարի 17-ին մրցույթի պաշտոնական կայքը ներկայացրեց Եվրատեսիլի մասնակիցների 43 երկրից բաղկացած ցանկը, այդ թվում էր նաև Հայաստանը: Սակայն ավելի ուշ Հայաստանը հրաժարվեց մասնակցությունից: Մինչ վերջնաժամկետը մրցույթին մասնակցությունից հրաժարվել էր նաև Լեհաստանը, սակայն նա տուգանք չի մուծի: Փետրվարի 24-ին հայ էստրադային երգիչները հանդես եկան հայտարարությամբ՝ հրաժարվելով մասնակցել «Եվրատեսիլին»: Նման քայլի համար պատճառ հանդիսացավ ժամկետային զինծառայողի սպանությունը, որը նախորդ օրը տեղի էր ունեցել ադրբեջանցի դիպուկահարի կրակոցից: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |