ՌԵՍՈ-ն մեկնարկել է գույքի ապահովագրության նոր ծրագիր

ՌԵՍՈ-ն մեկնարկել է գույքի ապահովագրության նոր ծրագիր

PanARMENIAN.Net - ՌԵՍՈ ապահովագրական ընկերությունը մեկնարկել է «ՌԵՍՈ-ՏՈՒՆ» գույքի ապահովագրության նոր ծրագիրը, որն էականորեն տարբերվում է մինչ այս ապահովագրական շուկայում գոյություն ունեցող գույքի ապահովագրությունից:

«ՌԵՍՈ-ՏՈՒՆ» ապահովագրական ծրագիրը ենթադրում է անշարժ գույքի (այսուհետ ԱԳ) ներքին հարդարանքի ապահովագրություն, ներառյալ` դռների և պատուհանների կոնստրուկցիաները, էլեկտրահաղորդալարերի ցանցը, ջեռուցման, ջրամատակարարման, կոյուղու, գազամատակարարման համակարգերի խողովակաշարերը, ինչպես նաև ԱԳ-ում առկա գույքի ապահովագրություն, ասվում է ընկերության հաղորդագրության մեջ :

Ծրագրի շրջանակներում կարող են ապահովագրվել բնակարաններ, առանձնատներ և ամառանոցներ:

«ՌԵՍՈ-ՏՈՒՆ» ծրագիրն ի տարբերություն գույքի ապահովագրության այլ տեսակների ունի մի շարք առավելություններ. գույքն ապահովագրելիս ԱԳ-ի զննում, լուսանկարում և գնահատում չի իրականացվում, շարժական գույքի ցուցակ չի կազմվում:

Ապահովագրական պայմանագրով հատուցվում են հետևյալ ռիսկերի հետևանքով առաջացած վնասները` հրդեհ, կայծակի հարված, գազի պայթյուն, ջիրց վնաս, տարերային աղետներ, կոտրանքով գողություն, առևանգում, երրորդ անձանց հակաօրինական գործողություններ, բախում, հարված, ապակիների կոտրում:

«ՌԵՍՈ-ՏՈՒՆ» ապահովագրական ծրագիրն իր մեջ ներառում է 3 սակագնային տարբերակներ` «Էկոնոմ», «Ստանդարտ» և «Օպտիմալ», համապատասխանաբար 5.000, 7.000 և 12.000 դրամ ապահովագրավճարով: Այս դեպքում կիրառվում է 30.000 դրամ ոչ պայմանական չհատուցվող գումար: Գործում է նաև առանց չհատուցվող գումարի տարբերակներ`6.000, 8.500 և 14.000 դրամ ապահովագրավճարներով:

Ապահովագրական գումարը «Էկոնոմ» տարբերակի դեպքում կազմում է 500.000 դրամ, «Ստանդարտ»-ի դեպքում` 1.000.000 դրամ, իսկ «Օպտիմալ»-ի դեպքում`2.000.000 դրամ:

Ընկերությունը, հավատարիմ մնալով իր սկզբունքներին, գույքի ապահովագրության ոլորտում նույնպես ներկայացնում է այնպիսի ծրագիր, որը հասանելի կլինի հասարակության լայն շերտերին և կընդգրկի ռիսկերի լայն շրջանակ` ի շահ հաճախորդների:

 Ուշագրավ
ՀՀ ԱԻՆ-ը երկրաշարժ էր գրանցել նաև հունիսի 30-ին։
Նա այժմ բուժում է կորոնավիրուսով վարակված ծայրահեղ ծանր պացիենտներին
Նախարարը կոչ է արել ինքնաբուժմամբ չզբաղվել և հետևել միայն բժիշկների խորհուրդներին
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը