Մեր երկրում աշխատանք փնտրողների թիվը կրճատվել է

PanARMENIAN.Net - 2012թ.-ի սեպտեմբերի 1-ի դրությամբ աշխատանք փնտրողների թիվը կազմում է շուրջ 75.2 հազար: Այս ցուցանիշը նախորդ տարվա նույն ժամանակահատվածի դրությամբ նվազել է 12.1 %-ով: Այս մասին այսօր կայացած մամուլի ասուլիսի ժամանակ ասաց «Զբաղվածության պետական ծառայություն» գործակալության պետ` Սոնա Հարությունյանը:

Սոնա Հարությունյանն ասաց, որ շորունակում է բարձր մնալ գործազուրկ կանանց թիվը, որը կազմում է գործազուրկների թվի 71.7 %-ը կամ 45.8 հազար մարդ: գործազուրկների թվաքանակում 22.6 5-ը երիտասարդներ են իսկ 17.1 %-ը 55 և բարձր տարիք ունեցողներ:

Բանախոսն ասաց, որ օգոստոս ամսվա ընթացքում գործակալություն է ներկայացվել 2759 թափուր աշխատատեղ, որը նախորդ տարվա նույն ժամանակահատվածի նկատմամբ աճել է 56.1 % -ով : Թափուր աշխատատեղերից 1630-ը բանվորական է, իսկ 1129-ը ծառայողական: