// IP Marketing video - START// IP Marketing video - END

Առաջին ինտերակտիվ հայկական հեքիաթն Apple Store-ում է (վիդեո)

Առաջին ինտերակտիվ հայկական հեքիաթն Apple Store-ում է

PanARMENIAN.Net - Ստեղծվել է առաջին ինտերակտիվ հայկական հեքիաթը: Հայր և որդի Գևորգյաններն ընտրել են Անահիտի մասին պատմող Աղայանի հեքիաթն ու պլանշետների համար այն դարձրել ինտերակտիվ: Գևորգյաններից կրտսերը պատասխանել է PanARMENIAN.Net ի թղթակցի հարցերին ու պատմել նաև, թե ինչու է ընտրել հենց Անահիտի մասին հեքիաթը:

«Նման նախագծեր տեսել էի արտասահմանում: Մեծ տարածում ունի հատկապես «Ալիսան հրաշքների աշխարհում» հեքիաթի ինտերակտիվ տարբերակը: Անահիտի կերպարը և խորհուրդը դեռ փոքր տարիքից եմ հիշում: Նա խելացի էր ու Վաչագանի առջև դրած նրա պայմանը /արհեստ սովորելու/ հետագայում փրկեց արքայի կյանքը: Անահիտի մասին պետք է իմանալ», - ասաց ծրագրավորող Վահրամ Գևորգյանը:

Նա ու դիզայնով հետաքրքրվող հայրը 5 ամսում բարի և ուժեղ կերպարի մասին հեքիաթը հավելվածում դարձրել են շարժուն` 150 էլեմենտի միջոցով: Նաև երաժշտություն են ավելացրել ու ներկայացրել 3 լեզվով:

«Մոտ 1 ամսիս առաջ ներկայացրել ենք Apple Store-ում է: Արժեքը` 3.99 դոլար: Հավելվածը նախատեսված է iPad-երի և mini iPad-երի համար: Առաջիկայում կներկայացնենք նաև Android-ների համար: Սմարթֆոնների համար չենք նախատեսում, քանի որ մանր էլեմենտներ ենք օգտագործել, իսկ փոքր էկրանին դրանք չեն երևում», - ասաց Վահրամ Գևորգյանը:

Հետագայում հավելվածին նոր հնարավություններ կավելացվեն, բայց սրանից բացի Գևորգյանները նաև նոր նախագիծ են մշակում, որի մասին կխոսեն ավելի ուշ:

 Ուշագրավ
Սկավառակը հասանելի կլինի աշխարհի հայտնի երաժշտական խանութներում՝ Սինգապուրից մինչև Ֆրանսիա, Գերմանիայից՝ Արգենտինա
ուսումնասիրությամբ պարզվել է, որ կառույցի սեփականաշնորհումից հետո այն մատնվել է անուշադրության, չեն իրականացվել պահպանական միջոցառումներ
Դահլիճն օգտագործվելու է որպես եռաչափ էկրան՝ ապահովելով դահլիճի սյուների, խորանների և զարդաքանդակների «կենդանացումն ու տրանսֆորմացիան»
Գյուղում 200-500 բանկիչ կա, որոնց հաջողվում է գոյատևել գյուղը պաշտպանող 22 մարտիկի քաջության, հավատի ու հավատարմության շնորհիվ