Աշխատանքի դիմած 700 սիրիահայերից 400-ն արդեն ունեն աշխատանք 5 փետրվարի 2013 - 15:36 AMT PanARMENIAN.Net - ՀՀ սփյուռքի նախարար Հրանուշ Հակոբյանն այսօր այցելեց «Կիլիկեան» դպրոց, որտեղ սովորում են այստեղ գտնվող սիրիահայ 714 երեխաներից 300-ը: Հրանուշ Հակոբյանն ասաց, որ երեխաները արդեն տիրապետում են արևելահայերենին. «Փոքրերն ավելի արագ են սովորում»,- ասաց նախարարն ու հավելեց, որ այն երեխաներն, ովքեր կշարունակեն սովորել ավագ դպրոցում, կմասնակցեն լրացուցիչ դասընթացների: Կլինեն նաև դասընթացներ այն աշակերտների համար, ովքեր ռուսերեն սովորելու ցանկություն կհայտնեն: Հրանուշ Հակոբյանը խոսեց նաև սիրիահայ ընտանիքների աշխատանքի և բնակարանային խնդրի մասին. «Երկու խնդիր ունեն սիրիահայ ընտանիքները, առաջինը բնակարանային խնդիրն է, մեծ մասը վարձով է ապրում: Կարծում եմ, ժամանակն է, որ նրանք կենտրոնից տեղափոխվեն ծայրամասեր, որովհետև այնտեղ վարձը էժան է, հիմա այդ ուղղությամբ աշխատանքներ են տարվում»,- ասաց նախարարը: Նախարարի խոսքով՝ աշխատանքի դիմած 700 սիրիահայերից, մոտավորապես 400-ը արդեն ունեն աշխատանք: Մյուս կողմից էլ միևնույն զբաղմունքն ունեցող սիրահայերի համար փորձում են համատեղ գործ ստեղծել: Նախարարը նշեց նաև, որ եթե Սիրիայում պատերազմը շարունակվի, սիրիահայ երեխաների ուսումը դպրոցում կշարունակվի. «Այս ծրագիրը մեկ տարով չէ, ինչքան անհրաժեշտ լինի, դպրոցը կգործի»: Հրանուշ Հակոբյանն այցի ընթացքում սիրիահայ երեխաների նկարչության մրցույթ հայտարարեց: Մրցույթի արդյունքները կամփոփվեն հունիսի 1-ին՝ «Երեխաների պաշտպանության միջազգային» օրը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |