Տեր-Պետրոսյան. Սերժ Սարգսյանն արբեցած է միջազգային աջակցությունից ու թքած ունի ներքաղաքական բողոքի վրա 30 ապրիլի 2013 - 20:18 AMT PanARMENIAN.Net - Ազատության հրապարակում Հայ ազգային կոնգրես կուսակցության հանրահավաքը թեև Երևանի ավագանու ընտրություններին է նվիրված, սակայն ՀԱԿ նախագահ Լևոն Տեր Պետրոսյանը նախ իր ելույթը սկսեց մի քանի կարևորագույն իրադարձություններ ամփոփելով, քանի որ ՀԱԿ նախորդ հանրահավաքից անցել է մոտ 10 ամիս: Լևոն Տեր-Պետրոսյանը նախ անդրադարձավ փետրվարի 18-ին տեղի ունեցած նախագահի ընտրություններին և հայտարարեց, որ Հայաստանի ավազապետական ռեժիմին ևս մեկ անգամ հաջողվեց կեղծիքով պահպանել իշխանության լծակներն ու երկիրը թալանելու արտոնագիր ստանալ: Նա նկատեց, որ դրա հետ մեկտեղ ժողովրդի ճշմարտությունը ևս մեկ անգամ ապտակ հասցրեց իշխանություններին: «Այն էլ ոչ թե չար, այլ՝ այսպես ասած, բարի ընտրությունների պարագայում»,- նկատեց Լևոն Տեր Պետրոսյանը: ՀԱԿ նախագահի բնորոշմամբ` միջազգային հանրությունն ու դիտորդները նորից աչք փակեցին խախտումների վրա: Եվ առաջնորդվելով աշխարհաքաղաքական շահերով, կրկին սատար կանգնեցին Սերժ Սարգսյանին, ի տարբերություն 2008թ.-ի, այս ընտրություններին նրան շնորհավորեց նաև ԱՄՆ նախագահ Բարաք Օբաման: Լևոն Տեր-Պետրոսյանն ընդգծեց, որ ՀՀ քաղաքացիների մեծամասնությունը չի ընդունում անցած ընտրությունների արդյունքներն ու Սերժ Սարգսյանին լեգիտիմ նախագահ չի համարում: «Կառավարման երկրոդ ժամկետում ձեռնարկած առաջին իսկ քայլերը՝ վարաչապետի վերանշանակումն, օրինակ, ցույց է տալիս, որ նա արբեցած է միջազգային աջակցությունից ու թքած ունի ներքաղաքական բողոքի ու ընտրողի կարծիքի վրա»,- նկատեց ՀԱԿ նախագահը: Ըստ նրա` սա չի նշանակում, որ ռեժիմը չի զբաղվելու կեղծ բարեփոխումներով. «Իրականում, սակայն, կեղծ բարեփոխումների քողի տակ Սերժ Սարգսյանը փորձելու է լուծել ռեժիմի ոչ լոյալ տարրերից ազատվելու ու իշխանությունն ավելի նեղ շրջանակի մարդկանց ձեռքում կենտրոնացնելու ապահովման հարցը»: ՀԱԿ նախագահի խոսքով` Սերժ Սարգսյանի շահած երկրորդ հաղթանակը չի նշանակում, որ նա ավելի ուժեղ է, քան 2008-ին. «Ոչ, օր օրի նա ավելի է թուլանալու: Եթե դեռ կան մարդիկ որ հավատում են նրա հաղթանակին, կհասկանան՝ սա Պյուրոսյան հաղթանակ է, այն էլ տարած ոչ թե թշնամու, այլ քո իսկ ժողովրդի նկատմամբ»: ՀԱԿ առաջնորդը նշեց, որ Երևանի ընտրությունները ևս պետք է դիտարկել այս ամենի կոնտեքստում:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները  Սա տեքստի 9-րդ խմբագրությունն էԹունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսըՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ըԲողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |
