Զարուհի Փոստանջյանը կհեռացվի ԵԽԽՎ-ում ՀՀ պատվիրակության կազմից 3 հոկտեմբերի 2013 - 12:52 AMT PanARMENIAN.Net - ՀՀ Ազգային ժողովի նախագահ Հովիկ Աբրահամյանը հայտարարություն է տարածել, որտեղ նշում է, որ խորհրդակցելով խմբակցությունների հետ, մտադիր է փոփոխություն կատարել ԵԽԽՎ-ում Հայաստանի պատվիրակության կազմում: Պատճառն երեկ՝ հոկտեմբերի 2-ին, Ստրասբուրգում ընթացող ԵԽԽՎ նիստի ընթացքում ԱԺ «Ժառանգություն» խմբակցության պատգամավոր Զարուհի Փոստանջյանի վարքագիծն է: Խորհրդարանի ղեկավարի այս որոշման համար հիմք է ծառայում «Ազգային ժողովի կանոնակարգ» ՀՀ օրենքի 18-րդ հոդվածի 1-ին մասի 1 ենթակետը: «Քաղաքական կարծիքը ազատ արտահայտելու իրավունքի երաշխավորումը ժողովրդավարության անկյունաքարերից մեկն է: Այն անհրաժեշտ պայման է ժողովրդավարական հասարակությունում պատշաճ քաղաքական բանավեճ ծավալելու համար: Այդուհանդերձ, քաղաքական կարծիքի արտահայտումт իր բնույթով բացարձակ իրավունք չէ: ՀՀ Սահմանադրության 66-րդ հոդվածը նախատեսում է, որ պատգամավորի՝ իր կարծիքն ազատ արտահայտելու իրավունքը սահմանափակված է վիրավորանքի կամ զրպարտության անթույլատրելիությամբ: Այսինքն` այդ իրավունքը սահմանափակված է, երբ դրա կիրառումը շեղվում է իր իրական նպատակից՝ ազատ քաղաքական բանավեճ ծավալելուց: Նաև ԵԽԽՎ կանոնակարգի 21.6 հոդվածն է պարունակում մարդկային արժանապատվությունը ոտնահարող արտահայտությունների օգտագործման արգելք»,- ասված է Հովիկ Աբրահամյանի հայտարարությունում: Երեկ ԵԽԽՎ նիստին, երբ ՀՀ նախագահ Սերժ Սարգսյանը պատասխանում է հարցերին, Զարուհի Փոստանջյանը երկրի ղեկավարին հարցրեց հետևյալը. «Դուք եղե՞լ եք Եվրոպայում վերջերս կազինոյում, քանի որ Դուք հայտնի եք հասարակությանը որպես խաղամոլ, այնտեղ 70 միլիոն եվրո՞ եք կորցրել: Ո՞վ է տվել Ձեզ այդ 70 միլիոն եվրոն և ինչի՞ դիմաց: Եթե այդքան չի կազմել, ապա որքա՞ն է կազմել խաղատանը կորցրած գումարը»,- ինչին ի պատասխան հնչեց Սերժ Սարգսյանի պատասխանը. «Ես խորապես համոզված եմ, տիկին Փոստանջյան, որ ներկայացնում են հայ ժողովրդին, ու դրանով հպարտ եմ: Ցավոք սրտի, Ձեր թեկնածուն չկարողացավ նախագահական ընտրություններում ցուցաբերել այնպիսի որակներ, որպեսզի կարողանա ներկայացնել հայ ժողովրդին: Ձեր ասածը՝ կապված կազինոյի հետ, Ձեր երևակայության հերթական արդյունքն է: Ես երբեք չեմ եղել Եվրոպայի որևէ կազինոյում, ես չեմ խաղում կազինոներում, ես, ցավոք սրտի, հնարավորություն չունեմ տնօրինելու 70 մլն եվրոյի: Եթե նման հնարավորություն ունենայի, մի մասը Ձեզ կտայի, որ գոնե մի քիչ գոհ լինեիք, ու այդքան չարություն Ձեր մեջ չլիներ»: Փոստանջյանի նման վարքագիծը մեծ աղմուկ առաջացրեց հասարակության շրջանում: Ոմանք բողոքում էին, որ Փոստանջյանը ամբողջ Եվրոպայի «խայտառակեց» հայ ժողովրդին, մյուսներն ասում էին՝ «լավ է արել»: Նիստի ավարտին Աժ պատգամավորը «Գալա»-ին ասել էր, որ չնայած շատերի քննադատություններին չի փոշմանում իր հարցի համար ու «ԵԽԽՎ -ն հենց տեղն էր այդ հարցը տալու համար»: «Եթե ասում են` այդ տեղը չէր այդ հարց տալու, թող գան այստեղ ու տեսնեն, թե քանի հայեր ստիպված են այստեղ իրենց ազգանունները փոխել, ներկայանալ թուրքերի ազգանունով, որպեսզի ստանան ապաստարան»,- ասել էր Փոստանջյանը: Հղումներ թեմայով. Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |