Հայաստանի գազամատակարարումը ժամանակավորապես դադարեցվել է Վրաստանում սելավի պատճառով

Հայաստանի գազամատակարարումը ժամանակավորապես դադարեցվել է Վրաստանում սելավի պատճառով

PanARMENIAN.Net - Վրաստանի գազատրանսպորտային ընկերությունը պաշտոնապես տեղեկացրել է «Գազպրոմ Արմենիա» ՓԲԸ՝ մայիսի 17-ին ժամը 10:30-ից Հայաստան բնական գազի մատակարարումը ժամանակավոր դադարեցնելու մասին Վրաստանի տարածքում մայրուղային գազատարի վրա տեղի ունեցած վթարի պատճառով: Այդ մասին հայտնել են «Գազպրոմ Արմենիա» ՓԲԸ-ում՝ հավելելով, որ սպառողների գազամատակարարումը կիրականացնի ողջ ծավալով՝ առանց սահմանափակումների:

Ինչպես հայտնում է «ՌԻԱ Նովոստի» գործակալությունը, «Հյուսիս-Հարավ» գազամուղի վթարը տեղի է ունեցել սողանքի պատճառով Վրաստանի Դարյալի կիրճում, հայտնել է Վրաստանի կառավարությունը: Դարյալի կիրճը գտնվում է Թերեկ գետի հովտում, այդ վայրով է անցնում Ռուսաստանն ու Անդրկովկասի երկրները կապող մայրուղին:

«Տեղում աշխատում են արտակարգ իրավիճակների ծառայության բրիգադները, պարեկային ոստիկանությունը, բուժօգնության բրիգադներ: Փրկարարներ են ժամանել Թբիլիսիից»,-ասվում է Վրաստանի կառավարության հայտարարության մեջ:

Մայիսի 17-ի առավոտյան ԱԻՆ-ը հաղորդել է սելավի մասին, որի հետևանքով խափանվել է երթևեկությունը դեպի Ռուսաստան տանող մայրուղում: Ըստ Հյուսիսային Օսեթիայի ՆԳՆ տվյալների, սելավի պատճառով արգելափակվել է Թերեկի հոսքը, ջրի մակարդակը բարձրացել է արդեն մի քանի տասնյակ մետրով: ՆԳՆ-ն հայտնել է Վլադիկավկազում արտակարգ իրավիճակի մասին: Տարհանվում են վրացական սահմանին մերձակա բնակավայրերի բնակիչները: Ըստ վրացական ԶԼՄ-ների, սելավի տակ են մնացել Դարյալի կիրճում ՀԷԿ-ի կառուցման վրա աշխատող մարդիկ, սակայն տուժածների ու զոհերի մասին պաշտոնական հաղորդագրություն դեռ չի եղել:

 Ուշագրավ
Մինչև 5 տարեկան երեխաների շրջանում պնևմակոկային վարակի պատճառով Հայաստանում կարող է արձանագրվել տարեկան առնվազն 20-200 մահվան դեպք
Հայաստանում ամուսնալուծությունների ցուցանիշի աճի մասին վարչապետ Հովիկ Աբրահամյանի բարձրաձայնած խնդիրը սոցցանցերում քննարկման առարկա դարձավ
Իր իսկ հարցին, թե ինչու մինչև հիմա ցուցմունք չէր տալիս, դերասանը պատասխանել է՝ մի քանի պատճառ կար
Երևանի մզկիթում նամազ անելու որևէ պաշտոնական նամակ կամ տեղեկություն Թուրքիայից չեն ստացել