Հետախուզվում է «ԱրմենՏելի» նախկին գլխավոր տնօրենը. Նրան կասկածում են ֆինանսական չարաշահումների մեջ

Հետախուզվում է «ԱրմենՏելի» նախկին գլխավոր տնօրենը. Նրան կասկածում են ֆինանսական չարաշահումների մեջ

PanARMENIAN.Net - Հետախուզվում է «ԱրմենՏել» ՓԲԸ նախկին գլխավոր տնօրեն Իգոր Կլիմկոն: Նրան կասկածում են ֆինանսական չարաշահումների մեջ, խոսքը 10-15 մլրդ դրամի մասին է:

Հիշեցնենք, որ Կլիմկոն, որը ստանձնեց ընկերության ղեկավարումը 2009 թ. ապրիլին, 2013-ի սկզբին անսպասելի հրաժարական տվեց, չսպասելով աշխատանքային պայմանագրով նախատեսված ժամկետի սպառմանը, և շտապ կերպով լքեց Հայաստանը: Հենց այդ ժամանակ տեղեկություններ հայտնվեցին, որ նրա հսկայական ֆինանսական չարաշահումներ է թույլ տվել և այդ պատճառով նրան ազատել են աշխատանքից: Կարծես թե այդ տեղեկությունները այժմ հաստատվում են:

Հայաստանի ԱԱԾ մամուլի ծառայությունում հաստատեցին, որ վարույթում է գտնվում «ԱրմենՏել» ՓԲԸ բարձրաստիճան պաշտոնյաների կողմից չարաշահումների վերաբերյալ քրեական գործը, սակայն այլ մանրամասներ հրաժարվեցին հայտնել: Ըստ ոչ պաշտոնական աղբյուրների, Կլիմկոն հետախուզման մեջ է 2014 թ. փետրվարից: Ավելին, հարուցված քրեական գործի շրջանակում կա նաև ձերբակալված անձ: Ըստ որոշ տվյալների, նա ևս «ԱրմենՏել» ՓԲԸ նախկին աշխատակից է, որին ձերբակալել են արտերկրում և այժմ քննվում է նրան Հայաստան տեղափոխելու հարցը, հայտնում է «Փաստինֆոն»:

Իգոր Կլիմկոն «ՎիմպելԿոմ» ընկերության 100-տոկոսանոց դուստր-ձեռնարկության՝ «ԱրմենՏել» ՓԲԸ գլխավոր տնօրենի պաշտոնում նշանակվեց 2009 թ. ապրիլի 15-ին: Նա այդ պաշտոնում փոխարինեց Նեյչո Վելիչկովին, որը հեռացավ ընկերությունից 2009 թ. ապրիլի 2-ին:

Պաշտոնից հեռանալու որոշման մասին Կլիմկոն հայտարարեց 2012-ի դեկտեմբերին: Ինչպես այն ժամանակ հայտնեց PanARMENIAN.Net ին ընկերության մամուլի քարտուղար Անուշ Բեղլոյանը, Կլիմկոն որոշումը ինքնուրույն է կայացրել, այն համաձայնեցված է «Վիմպելկոմի» ղեկավարության հետ: Կլիմկոն նույնիսկ չսպասեց պաշտոնվարման ժամկետի ավարտին և շտապ հեռացավ Հայաստանից: Հենց այդ ժամանակ տեղեկություններ հայտնվեցին հսկայական ֆինանսական չարաշահումների մասին:

 Ուշագրավ
Սահմանապահը տեղեկացրել է, որ հետաքրքրվել են, իսկ Պերմյակովը պատասխանել է, որ ինքը ոչինչ չի արել
Աղջիկների ամենաբարձր միջին միավորը ֆրանսերենից է (15.9), տղաներինը` աշխարհագրությունից (14.0): Աղջիկների ամենացածր միջին միավորը ռուսաց լեզվից է (10.9), տղաներինը` իսպաներենից (7.1)
Ադրբեջանական զինուժը կրակ է բացել Տավուշի մարզի սահմանամերձ Բերքաբեր գյուղի բնակչին պատկանող «ՎԱԶ-2016» մակնիշի ավտոմեքենայի վրա
2015-ի ընթացքում ՀՀ ոստիկանության ներքին անվտանգության վարչությունում կատարվել են 586 ծառայողական քննություն և ուսումնասիրություն, այդ թվում 3-ը՝ ոստիկանության այլ ծառայությունների հետ համատեղ
ՀՀ շրջանավարտների կրթվածության վայրիվերումները՝ թվերով

ՀՀ-ում միասնական քննություններին մասնակցության հայտ ներկայացրած դիմորդների թիվը միայն նվազում է՝ 2009-ից սկսած, իսկ 2015-ի և նախորդ տարիների միասնական քննությունների միջին միավորների համեմատությունը ցույց է տալիս, որ քննությունների հիմնական մասով արդյունքները անկում են գրանցել: Օրինակի համար՝ «մաթեմատիկա» առարկայի քննության միջին միավորը 2007-ին բավականին բարձր ցուցանիշ է գրանցել՝ 14.9, այնուհետև 3 տարի աննդմեջ միայն իջել՝ 2011-ին հասնելով 6.1 ցուցանիշի: 2012-ին՝ արդեն 11.6 էր, իսկ 2015-ին՝ 11.8: