 2014-ին արդեն 30 լրագրող է զոհվել. Անդրեյ Ստենինն Ուկրաինայում զոհված 5-րդ լրագրողն է 4 սեպտեմբերի 2014 - 10:41 AMT PanARMENIAN.Net - Օգոստոսի սկզբին Ուկրաինայում անհետացած «Ռոսիա սեգոդնյա» լրատվական գործակալության ֆոտոթղթակից Անդրեյ Ստենինը զոհվել է Դոնեցկի շրջանում մեկ ամիս առաջ՝ ավտոմեքենան, որով թղթակիցը մեկնում էր խմբագրական առաջադրանքի, գնդակոծվել և հրկիզվել է ավտոմայրուղում, սեպտեմբերի 3-ին հայտնել է գործակալության գլխավոր տնօրեն Դմիտրի Կիսելյովը Քննչական կոմիտեի փորձաքննության վրա հղումով: «Մեր գործընկեր ֆոտոթղթակից Անդրեյ Ստենինը զոհվել է: Պարզվում է, նա չի եղել գերության մեջ: Նրան չէին պատրաստվում փոխանակել ուկրաինացի գերիներից մեկի հետ, ոչ էլ մեղադրել ահաբեկչական գործողության համար: Բոլոր հայտարարությունները Ստենինի ճակատագրի մասին, որոնք մենք լսել ենք ուկրաինական կողմից, սուտ էին: Նա զոհվել է դեռ մեկ ամիս առաջ մեքենայում, որով մեկնում էր առաջադրանքի: Ավտոմեքենան գնդակոծվել և հրկիզվել է Դոնեցկի մոտ, ավտոմայրուղու վրա»,-ասել է Կիսելյովը: Նա նաև հայտնել է, որ «հայտնի են դարձել փորձաքննության արդյունքները. մեքենայում իրոք նա է եղել՝ 33-ամյա կենսուրախ երիտասարդ, փայլուն պրոֆեսիոնալ, կարեկից մարդ Անդրեյ Ստենինը»: «Ուկրաինան հաշված ամիսների ընթացքում դարձավ լրագրողների համար ամենավտանգավոր վայրը աշխարհում: Այս պատերազմում արդեն չորրորդ ռուս լրագրողն է զոհվում՝ թղթակից Իգոր Կոռնելյուկը, տեսաինժեներ Անտոն Վոլոշինը, օպերատոր Անատոլի Կլյանը, լուսանկարիչ Անդրեյ Ստենինը: Ստենինի լուսանկարչական աշխատանքները ցուցադրված են մեր գործակալության շենքում՝ դրանով մենք մեր հարգանքի տուրքն ենք մատուցում Անդրեյին: Նա իր կյանքը զոհեց հանուն այդ լուսանկարների, հանուն նրա, որ աշխարհը տեսնի ճշմարտությունը: Անդրեյ Ստենինի հիշատակը միշտ վառ կմնա մեր հիշողության մեջ: Մենք նրան երբեք չենք մոռանա»,-ասել է Դմիտրի Կիսելյովը, հայտնում է ՌԻԱ Նովոստի գործակալությունը: Ընդհանուր առմամբ 2014-ին սպանվել է 30 լրագրող: Դա գրեթե երկու անգամ ավելի է, քան 2013-ին: Անցյալ տարի 16 լրագրող էր զոհվել: Լրագրողների պաշտպանության կոմիտեն ստեղծել է 2014-ին զոհված ԶԼՄ-ների աշխատակիցների մահվան քարտեզը: Ըստ կազմակերպության, վերջին 23 տարում մոտ 1070 լրագրող է մահացել: Ըստ կազմակերպության տվյալների, օգոստոսի 20-ի դրությամբ ամենից շատ լրագրողներ են զոհվել Սիրիայում՝ 5-ից ավելի: Սիրիային հաջորդում են Գազան, Իրաքը, Ուկրաինան՝ 4-ական լրագրող, Անդրեյ Ստենինը դարձավ Ուկրաինայում զոհված հինգերորդ լրագրողը: Այնուհետև հաջորդում են Աֆղանստանն ու Բրազիլաին, որտեղ 2014-ին սպանվել է 2-ական լրագրող: Բրազիլիայում, մասնավորապես, լրագրողները զոհվեցին ֆուտբոլի աշխարհի առաջնության ժամանակ տեղի ունեցած անկարգությունների ընթացքում: Photo: RIA Novosti   Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական   Ամենաընթերցվողը բաժնում |  Վերջին լուրեր Երևանում մեկնարկում է հայ–ամերիկյան համաժողովը․ Կմասնակցի Պետքարտուղարի տեղակալը  Համաժողովը, որ առաջին է իր տեսակի մեջ, կմիավորի ԱՄՆ-ի և Հայաստանի քաղաքապետներին, ինչպես նաև նահանգների ղեկավարներինՔՊ-ականը սահմանի սահմանազատված հատվածի լուսանկար է հրապարակել «ՀՀ սահմանազատված պետական սահման` Տավուշ»,–գրել է նաԽոստացվածից 3 տարի անց Շուռնուխի 13 տունը շահագործման է հանձնվել Շինարարությունը պետք է ավարտվեր դեռ 2021–ին, սակայն, մինչ օրս պարբերաբար հետաձգվում էրՔԿ-ն՝ gg–ի հայտարարության մասին․ Իրականությունը խեղաթյուրելու անհաջող փորձ է Նշվում է, որ վարույթը նախաձեռնվել է դեռևս 2023 թվականի մայիսին |
