Դե Վաալը՝ ղարաբաղյան գործընթացի մասին. Ամեն ինչ փոխվում է, բայց ոչինչ չի փոխվում 8 սեպտեմբերի 2014 - 18:58 AMT PanARMENIAN.Net - Լեռնային Ղարաբաղի հակամարտության կարգավորումը կախված է և Հայաստանի, և Ադրբեջանի երկարաժամկետ հետաքրքրություններից: Այս մասին սեպտեմբերի 8-ին հայտարարել է ամերիկացի փորձագետ, «Քարնեգի» հիմնադրամի վերլուծաբան, «Սև այգի. Հայաստանը և Ադրբեջանը պատերազմի և խաղաղության միջև» աղմկահարույց գրքի հեղինակ Թոմաս դե Վաալը: Անդրադառնալով ներկա իրավիճակին, նա կարծիք է հայտնել, որ ԼՂ հարցում ամեն ինչ փոխվում է, բայց և նույն կերպ է շարունակվում: «Շատ բան է փոխվել այս տարիներին, բայց այս կոնֆլիկտում գլխավոր չի փոխվել, իսկ շմփան գծում այն իրավիճակն է, ինչ 20 տարի առաջ: Ադրբեջանի ու Հայաստանի հետաքրքրություններից է բխում այս կոնֆլիկտի լուծումը, սակայն նախադրյալներ դեռ չկան»,- ասել է նա և հավելել, որ նախագահների մակարդակով հանդիպումները, եռանախագահների հետ Նյու Յորքում, ինչպես նաև հոկտեմբերին սպասվող հանդիպումը Փարիզում միայն ֆորմալ քայլեր են: Թոմաս դե Վաալը կարծում է, որ ավելի լայն գործընթաց է հարկավոր, որտեղ ավելի մեծ թվով մարդիկ ներառված կլինեն. «Ստեփանակերտում, Բաքվում և Երևանում ընդամենը մի քանի մարդ կա, որ պրոֆեսիոնալ կերպով զբաղվում է հարցով: Իմաստ ունի, որ նախագահները նշանակեն Ղարաբաղի հարցով հատուկ խորհրդատուներ, ովքեր պարբերաբար կհանդիպեն: Պետք չէ հույսը դնել եռանախագահների երկու ամիսը մեկ այցերի վրա: Ես դեռ չեմ տեսնում առիթներ, որպեսզի այդ բանակցությունների ոչ այնքան արդյունավետ ձևաչափը փոխվի»: Փորձագետի խոսքով, շփման գծում իրավիճակը շատ տխուր է, զոհվում են երիտասարդներ, ովքեր ծնվել են հրադադարի ռեժիմի կնքումից հետո և իրենց ամբողջ կյանքն անցկացրել են այս կոնֆլիտկի առկայության պայմաններում: «Այդ երկու շաբաթների ընթացքում զոհվել են ավելի շատ մարդիկ, քան ամբողջ 2013-ի ընթացքում: Ես տեսնում եմ ուկրաինական ճգնաժամի վատ հետևանքները: Կոնֆլիկտը չի լուծվում, նոր կոնֆլիկտներ են առաջանում, որը վատ հետևանքներ է թողնում»,- ասել է նա՝ նշելով, որ հիմնականում Ադրբեջանի կողմից եկող ռազմական հռետորիկան է շատ վատ ազդում: «Հիմնական հույսն այն է, որ երկրներին հիշեցնենք, պատերազմը խաղ չէ, մարդիկ զոհվում են: Ամբողջ ողբերգությունն այն է, որ բոլորը հասկանում են, որ հրաշալի կլինի, եթե կոնֆլիկտը լուծվի, դա տարածաշրջանի համար անհրաժեշտություն է, Ադրբեջանն ու Հայաստանն էլ դրա պատճառով հետ են մնում ամբողջ աշխարհից: Սակայն չկան այն նախադրյալները, որ շտապ տեղի ունենա լուծումը: Կողմերը նաև չեն զգում բավականաչափ արտաքին աջակցություն, որ նման համարձակ քայլ անեն: Հասարակությունը ևս պատրաստ չէ դրան գնալու: Այս պահին մենք տեսնում ենք միայն բացասական շարժ»,- ասել է փորձագետը, գրում է Panorama.am-ը: Ավելի վաղ Ադրբեջանում ԱՄՆ նախկին դեսպան, ԵԱՀԿ Մինսկի խմբի նախկին համանախագահ Մեթյու Բրայզան կարծիք էր հայտնել, որ ԱՄՆ-ը պետք է մեծացնեն քաղաքական ջանքերը խաղաղ գործընթացում առաջընթաց գրանցելու համար, անգամ մինչև նախագահ Բարաք Օբամայի և պետքարտուղար Ջոն Քերիի անձնական մասնակցությունը բանակցություններում: Ջոն Քերիի հանդիպումը Հայաստանի և Ադրբեջանի նախագահների հետ տեղի ունեցավ սեպտեմբերի 4-ին Նյուպորտում ամերիկյան կողմի նախաձեռնությամբ: Կողմերը քննարկել են բանակցային ներկա փուլին ու ղարաբաղյան հակամարտության կարգավորման հեռանկարներին վերաբերող հարցեր: Կողմերը իրենց դիրքորոշումներն են ներկայացրել բանակցային գործընթացի վերաբերյալ: ԱՄՆ պետքարտուղար Քերին մատնանշել է, որ հակամարտության խաղաղ կարգավորումն այլընտրանք չունի, անհրաժեշտ է բացառել լարվածությունը, և կոչ է արել մեխանիզմներ գտնել լարվածությունը թուլացնելու ու կողմերի միջև վստահություն հաստատելու համար: Ադրբեջանական կողմի նախաձեռնած գործողություններն աննախադեպ էին 1994 թվականից ի վեր: Տարեսկզբից արդեն գրանցվել է հրադադարի խախտման մոտ 18 հազար դեպք ադրբեջանական կողմից, այն դեպքում երբ 2013-ին տարվա ընթացքում այդ թիվը հասավ 13 հազարի: Հուլիսի 28-ից Ադրբեջանը դիվերսիոն և սադրիչ գործողությունների դիմեց հայ-ադրբեջանական սահմանին և Լեռնային Ղարաբաղի և Ադրբեջանի ԶՈւ շփման գծում: Այդ գործողությունների արդյունքում հակառակորդի կորուստները 8-9 անգամ գերազանցեցին հայկական կոմիղ կորուստները: Ջոն Քերին կարևորել է նաև, որ բանակցությունները շարունակվեն ԵԱՀԿ Մինսկի խմբի ձևաչափով և պատրաստակամություն է հայտնել աջակցելու խաղաղ կարգավորման ուղիների որոնմանը: Հղումներ թեմայով. Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |