«Ոսկե գլոբուսի» հաղթողները հայտնի են. Boyhood-ը լավագույն ֆիլմ է ճանաչվել12 հունվարի 2015 - 12:36 AMT PanARMENIAN.Net - Լոս Անջելեսում հունվարի 11-ի երեկոյան հանձնել են «Ոսկե գլոբուս»-ները: Սա Հոլիվուդի օտարերկրյա մամուլի ասոցիացիայի (HFPA) 72-րդ մրցանակաբաշխությունն էր: Ամենաշատ՝ 7 անվանակարգում առաջադրված էր Ալեխանդրո Գոնսալես Ինյարիտույի Birdman-ը: Մրցանակաբաշխությանը լավագույն դրամատիկ ֆիլմ է ճանաչվել Ռիչարդ Լինքլեյթերի Boyhood-ը, որի նկարահանումները սկսվել էին դեռ 2002-ի ամռանը: Կինոկնարը հնարավորություն է տալիս ծնունդից ի վեր հետևել մարդու զարգացմանը՝ թե ինչպես է երեխան տարեցտարի մեծանում, ինչպես նաև ծանոթանալ նրա ծնողների կյանքին ու, առհասարակ, շրջակայքում փոփոխություններին: Նկարահանումների սկզբում գլխավոր դերակատար Էլար Քոլթրեյնը 7 տարեկան էր, երբ դրանք ավարտվեցին՝ 18:
Բացի այդ, Ռիչարդ Լինքլեյթերը նաև «Լավագույն ռեժիսոր» է ճանաչվել: «Լավագույն սցենար» անվնակարգում հաղթել է Birdman-ը: Ֆիլմում սյուժեի կենտրոնում նախկին դերասան է, որը ժամանակին խաղացել է հայտնի սուպերհերոս Բերդմենի դերն ու հիմա, ոտնահարելով իր «ես»-ը, որոշում է իր նախկին ճանաչումն ու փառքը հետ բերելու համար մասնակցել Բրոդվեյի նոր բեմադրությանը: Բացի այդ մրցանակից, գլխավոր դերակատար Մայքլ Քիթոնն արժանացել է «Լավագույն կատակերգու դերասանի» կոչմանը: Մրցանակ են ստացել նաև սցենարիստներ Ալեխանդրո Գոնսալես Ինյարիտուն, Նիկոլաս Ջիակոբոնեն և Ալեքսանդր Դինեարիս կրտսերը: «Լավագույն կատակերգություն կամ մյուզիքլ» անվանակարգում հաղթել է Ուես Անդերսոնի Hotel Grand Budapesht-ը, որը նախորդ տարի բացում էր Բեռլինի կինոփառատոնը:
Այն պատմում է լեգենդար կոնսյերժ Գուստավի ու նրա կրտսեր ընկերոջ՝ Զերո Մուստաֆայի արկածների մասին: Հյուրանոցի աշխատակիցները Վերածնունդի դարաշրջանի անգին կտավների գողության, հարուստ ընտանիքի հսկայական ժառանգության համար պայքարի, ինչպես նաև Եվրոպայում XX դարի արյունալի պատերազմների միջակայքում Եվրոպայում դրամատիկ փոփոխությունների ականատես են դառնում: Իմիջիայլոց, նկարահանումներն Ուես Անդերսոնն անցկացրել է Սաքսոնիայի Գյորլից քաղաքում տեղակայված Karstadt հին ունիվերմագում: Գլխավոր դերն ի սկզբանե պետք է կատարեր Ջոնի Դեպը, որը հետագայում դուրս է մնացել նախագծից: Ռուս ռեժիսոր Անդրեյ Զվյագինցևի «Լևիաֆան»-ը «Լավագույն օտարալեզու ֆիլմ» է ճանաչվել: Կինոնկարը պատմում է հյուսիսում ապրող Նիկոլայի մասին, որը հոր հետ միասին տուն ու արհեստանոց է կառուցում: Բայց նրա սովորական կյանքը ճակատարգրի հեգնանքով «քանդվում է»...
«Լևիաֆան»-ը Զվյագինցևի ամենամարդաշատ ֆիլմն է: Կենտրոնական հերոսները 8-ն են, իսկ ընդհանուր առմամբ ֆիլմում ավելի քան 15 հերոս կա, որոնք աստիճանաբար ներգրավվում են սյուժեի մեջ: Ֆիլմը նաև Ռուսաստանի կողմից «Օսկարի» է առաջադրվել: Մրցանակաբաշխությունում «Լավագույն դրամատիկ դերասանուհի» է ճանաչվել Ջուլիանա Մուրը Still Alice ֆիլմում գլխավոր դերի համար, իսկ լավագույն դերասան՝ Էդի Ռեյդմանը The Theory of Everything-ում դերի համար: Լավագույն կատակերգու դերասանուհի է ճանաչվել Էմի Ադամսը Big Eyes-ում դերի համար:Երկրորդ պլանի լավագույն դերասանուհի է ճանաչվել Պատրիցիա Արքեթը Boyhood-ում դերի համար, իսկ դերասան՝ Ջոնաթան Քիմբլ Սիմոնսը՝ Whiplash-ում դերի համար:
«Լավագույն անիմացիոն ֆիլմ» է ճանաչվել How to Train Your Dragon 2-ը: Կինոմատոգրաֆում իր ներդրումի համար Սեսիլ Բ. ԴեՄիլի անվան մրցանակի է արժանացել Ջորջ Քլունին: «Ոսկե գլոբուս» մրցանակը հանձնում են 1944-ից: Օտարերկրյա մամուլի ասոցիացիայի կազմում մոտ 90 միջազգային լրագրող կա, որոնք աշխատում են Հոլիվուդում: Այս մրցանակաբաշխությունն «Օսկարից» հետո երկրորդ ամենակարևորն է համարում, ու շատերն այն «Օսկարի փորձ» են անվանում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |