Երկխոսության հնարավորություն միջսիրիական բանակցություններում27 հունվարի 2015 - 15:54 AMT PanARMENIAN.Net - Մոսկվայում ավարտվել է ընդդիմադիր շարժումների ներկայացուցիչների միջև միջսիրիական բանակցությունների առաջին օրը: Ըստ ՌԴ ԱԳՆ-ի, հանդիպմանը մասնակցել է մոտ 30 սիրիացի գործիչ տարբեր ընդդիմադիր շարժումնեից, և մի շարք անկախ քաղաքական գործիչներ: Խորհրդակցություններն անցել են դռնփակ՝ առանց մամուլի ներկայացուցիչների ու «կողմնակի մասնակիցների», հայտնում է ՌԻԱ Նովոստի գործակալությունը: Նախատեսվում է, որ միջսիրիական բանակցությունները Մոսկվայում երկու փուլով կանցնեն՝ հունվարի 26-27-ին և հունվարի 28-29-ին: Առաջին օրերին հանդիպում են ընդդիմադիրները, որտեղ նախատեսված է քննարկել բանակցությունների ռազմավարությունն ու օրակարգը: Հաջորդ օրերին կբանակցեն ընդդիմության ներկայացուցիչներին ու Դամասկոսի պատվիրակությունը, որը կներկայացնի Մոսկվա ժամանած սիրիական կառավարության պատվիրակությունը ՄԱԿ-ում Սիրիայի մշտական ներկայացուցիչ Բաշար Ջաֆարիի գլխավորությամբ: Նրանք կմասնակցեն հունվարի 28-ին կայանալիք խորհրդակցություններին: Մեկնարկած բանակցություններն առաջինն են 2014-ի փետրվարից հետո, երբ ավարտվեց Ժնևի բանակցությունների երկրորդ փուլը: Այն ժամանակ կողմերին չհաջողվեց կոնկրետ պայմանավորվածությունների հասնել: Մոսկվայում նշում են, որ հանդիպումը ոչ պաշտոնական բնույթ է կրում, որով և տարբերվում է Ժնևի բանակցություններից: Սիրիական ընդդիմությունը բավականին դրական է գնահատել բանակցությունների առաջին օրը: «Մենք դրական տպավորություններ ունենք այդ հանդիպումից, սա լավ հնարավորություն է երկխոսության համար»,-ասել է Սիրիայի ընդդիմադիր Ազգային համակարգող կոմիտեի քարտուղար Մաջիդ Համմը: «Կարծում եմ, հանդիպումը կկենտրոնանա երկու խնդիրների վրա՝ սիրիական կարգավորումը պետք է լինի քաղաքական, հիմնված Ժնևի համաձայնությունների վրա, երկրորդը՝ հումանիտար իրավիճակն է, սիրիական ժողովրդի տառապանքների մեղմումը»,-հավելել է նա: ՌԴ ԱԳՆ-ն ևս հաստատել է, որ կարծում են, որ միջսիրիական բանակցությունների մասնակիցները «կկարողանան ընդհանուր հարթակ ստեղծել, որի հիման վրա կսկսի համապարփակ ու նշանակալի երկխոսություն Սիրիայի կառավարության ու ընդդիմության միջև»: ԱԳ նախարար Սերգեյ Լավրովը նախկինում հայտարարել էր, որ «մոսկովյան հարթակը նախադրյալներ կստեղծի առանց նախապայմանների միջսիրիական կարգավորման շուրջ բանակցությունների համար»: Սկզբում նախատեսվում էր, որ ՌԴ պաշտոնական ներկայացուցիչներ չեն մասնակցի բանակցություններին: Միայն ռուս արևելագետները կօգնեն կողմերին բանակցել ու համակարգել բանավեճը: Սակայն արդեն երկուշաբթի ՌԴ ԱԳ փոխնախարար Միխայիլ Բոգդանովը չբացառեց, որ հնարավոր է Լավրովի հանդիպումը ընդդիմության ներկայացուցիչների հետ հունվարի 28-ին, երբ խորհրդակցություններ կսկսվեն կառավարության ու ընդդիմադիրների միջև: «Եթե կառուցողական տրամադրվածություն լինի, բոլորը հավաքվեն, գուցե նման հանդիպում կայանա»,-ասել է նա: Ավելի ուշ այդ տեղեկությունը հաստատեցին նաև սիրիացի ընդդիմադիրները: Ընդդիմության առաջնորդներից մեկը՝ «Հայրենասիրական և ժողովրդավարական գործողությունների լիգայի» գլխավոր քարտուղար Մահմուդ Մուրեյն ասաց, որ «հունվարի 28-ին հանդիպում է նախատեսվում Սերգեյ Լավրովի հետ, որից հետո հանդիպում կկայանա Սիրիայի կառավարության պատվիրակության հետ»: 2011 թ. մարտին սկսված հակամարտության ընթացքում Սիրիայում զոհվել է շուրջ 125 հազար մարդ, մոտ 4,2 միլիոնը փախստական են դարձել սիրիական տարածքում, երկու միլիոն մարդ փախել է հարևան երկրներ: Փախստականների ընդունման հիմնական բեռն ընկել է Հորդանանի, Իրաքի, Լիբանանի ու Թուրքիայի վրա: Սիրիայի բնակչության ընդհանուր քանակը մինչ պատերազմը կազմում էր 20 միլիոն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |