ԵԽԽՎ-ն զրկել է Ռուսաստանին ձայնի իրավունքից, ռուսական պատվիրակությունը հեռացել է դահլիճից29 հունվարի 2015 - 11:03 AMT PanARMENIAN.Net - Եվրոպայի խորհրդի խորհրդարանական վեհաժողովը (ԵԽԽՎ) բանաձև է ընդունել, որով Ռուսաստանը զրկվում է ձայնի իրավունքից և ԵԽԽՎ ղեկավար մարմինների աշխատանքին մասնակցելուց ապրիլյան նստաշրջանի ընթացքում: Բանաձևի օգտին քվեարկել է 160 պատվիրակ: «Պատժամիջոցներից բացի վեհաժողովը պետք է քննարկի ՌԴ պատվիրակության քվեարկության և 2015-ի ապրիլին բյուրոյում ներկայացված լինելու իրավունքի կասեցման հարցը, եթե Ռուսաստանը զգալի արդյունքի չհասնի Վեհաժողովի ավելի վաղ նշված դրույթների հարցում և լիարժեք չհամագործակցի աշխատանքային խմբի հետ, որը հիշատակվում է բանաձևի 17-րդ կետում»,-ասվում է ընդունված բանաձևում: Վեհաժողովի 17-րդ կետում առաջարկվում է դիտորդական հանձնաժողովին քննարկել, շահագրգիռ խորհրդարանների համաձայնության դեպքում, հատուկ աշխատանքային խմբի ստեղծման հարցը ՌԴ Պետդումայի խոսնակների և ուկրաինական Ռադայի ներկայացուցիչների մասնակցությամբ՝ մշակելու համար ԵԽԽՎ ձեռնարկելիք միջոցներն ուղղված Մինսկի արձանագրությունների կատարմանը: Վեհաժողովը նաև պահանջել է Մոսկվայից չեղյալ համարել Ղրիմի միացումը ՌԴ-ին, թափանցիկ հետաքննություն անցկացնել զոհերի և մարդկանց անհետացաման, ոստիկանության և ռազմականացված ուժերի կողմից մարդու իրավունքների խախտման բոլոր դեպքերի վերաբերյալ, կոչ անելով նաև Ռուսաստանին լուծարել «տարածաշրջանում գործող բոլոր ռազմականացված ուժերը»: ԵԽԽՎ-ն նաև կողմ է արտահայտվել Ղրիմի թաթարների իրավունքների պաշտպանությանը: Ըստ ԵԽԽՎ-ում ռուսական պատվիրակության ղեկավար Ալեքսեյ Պուշկովի, Ռուսաստանը լքում է վեհաժողովը մինչև տարեվերջ: «Մենք հեռանում ենք ԵԽԽՎ-ից մինչև տարեվերջ»,-մեկնաբանել է նա ԵԽԽՎ որոշումը ռուսական պատվիրակության լիազորությունների կասեցման մասին: «Եվրոպայի խորհրդում Ռուսաստանի մասնակցության հարցը քննարկվելու է 2015-ի ավարտին՝ կախված քաղաքական իրավիճակից»,-հավելել է Պուշկովը: Ըստ նրա, մինչ օրս Ռուսաստանում չէին մտածում ԵԽ կազմից դուրս գալու հնարավորության մասին, «սակայն Խորհրդարանական վեհաժողովի այսօրվա որոշումն այդ հարցը կարող է օրակարգ մտցնել»: Ավելի վաղ Պուշկովը հայտարարել էր, որ ԵԽԽՎ-ում ՌԴ լիազորությունների վերականգնման հակառակորդները գործել են հակառուսական դաշինքի շրջանակում: Միևնույն ժամանակ, Իտալիայի, Ավստրիայի, Հունգարիայի, Ադրբեջանի և մի շարք այլ պետությունների ներկայացուցիչներ կողմ էին հանդես գալիս ՌԴ պատվիրակության առանցքային լիազորությունները պահպանելու օգտին, պատմել է պատգամավորը: 2014-ի ապրիլյան նստաշրջանում Վեհաժողովը զրկեց ՌԴ պատվիրակությանը քվեարկելու և ղեկավար մարմինների աշխատանքին մասնակցելու իրավունքից մինչև տարեվերջ Ղրիմը Ռուսաստանին միացնելու պատճառով: Որպես բողոքի նշան ռուս պատգամավորներն ու սենատորները լքեցին Ստրասբուրգը և հրաժարվեցին մասնակցել ԵԽԽՎ աշխատանքին: Ըստ կանոնադրության, 2015-ի հունվարի 26-ին ռուսական պատվիրակությունը վերադարձավ ԵԽԽՎ, սակայն նրա լիազորությունները բողոքարկվեցին բրիտանացի Ռոբերտ Ուոլթերի նախաձեռնությամբ և Վեհաժողովի ավելի քան 30 անդամի աջակցությամբ: ՌԴ փոխվարչապետ Դմիտրի Ռոգոզինն այդ առիթով հիշեց 2000 թ., երբ ռուսական կողմը զրկվեց քվեարկության իրավունքից Չեչնիայում իրավիճակի պատճառով: «Deja vu: 2000-ի ապրիլին ես նույնպես դուրս բերեցի մեր պատվիրակությունը ԵԽԽՎ դահլիճից որպես բողոքի նշան, բայց այն ժամանակ ամեն ինչ շատ ավելի էմոցիոնալ էր»,-գրել է ՌԴ փոխվարչապետը Facebook-յան իր էջում: Որպես բողոքի նշան ռուսական պատվիրակությունը հրաժարվել է մասնակցել նիստին ու բանավեճին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |