 Վերջին 17 տարում առաջին անգամ ռուսաստանցիների ծախսերը գերազանցել են վաստակած գումարը 10 փետրվարի 2016 - 13:26 AMT PanARMENIAN.Net - Ռուսաստանցիների ծախսերը 2015-ին գերազանցել են նրանց վաստակը` այդ երկու ցուցանիշների միջև տարբերությունը կազմել է 420 մլրդ ռուբլի: Այդ է վկայում «Ռոսստատի» և Մակրոտնտեսական վերլուծության և կարճաժամկետ կանխատեսման կենտրոնի վիճակագրությունը, որը ներկայացրել է «Կոմերսանտ» թերթը: Ըստ պարբերականի, այսպիսի իրավիճակ վերջին անգամ գրանցվել էր 1998-ին: Հիմնական պատճառները կուտակումների համար ծախսերի աճն է, ապրանքների և ծառայությունների համար նախատեսված ծախսերի կրճատումը, ինչպես նաև տնային տնտեսությունների կողմից վարկերի արագ մարումը: Մասնավորապես, ապրանքների և ծառայությունների համար ծախսերը կրճատվել են 71,3 տոկոսով, ինչն ամենամեծ նվազումն է վերջին 3 տարում: 2014-ի դեկտեմբերին ռուսաստանցիները եկամտի 52,4 տոկոսը ծախսել են տարբեր ապրանքների գնման վրա, իսկ 2015-ի նույն ժամանակաշրջանում` 45,6 տոկոսը: Նախորդ տարվա ավարտին ռուսաստանցիների կողմից վարկերի մարումը կազմել է 5,7 մլրդ ռուբլի` առանց տոկոսների: Արտարժույթի գնման ծավալը նվազել է մինչև 12 մլրդ դոլար` 2014-ի 40,7 մլրդ դոլարի դիմաց: Մասնագետները բացատրում են այդ ռեժիմը բնակչության շրջանում ռուբլու ռեսուրսների նվազմամբ: «Կոմերսանտը» նշում է, որ այդ ամենը վկայում է այն մասին, որ մի կողմից պահպանվում է «տնային տնտեսությունների մեծ մասի ծախսերի անհամապատասխանությունը եկամտի մակարդակին», մյուս կողմից` Ռուսաստանում տեղի է ունենում տնային տնտեսությունների տնտեսական ռազմավարության շոկային վերակառուցում: Տարեսկզբի տվյալնելով, 2015-ին ռեկորդային աճ է գրանցվել վարկերի մուծումների պարտքերի առումով` աճը կազմել է 49 տոկոս կամ մոտ 230 մլրդ ռուբլի: Ըստ Կենտրոնական բանկի, ռուսաստանցիները պարտք են ֆինանսական կազմակերպություններին 10,27 տրլն ռուբլի, որից 1,1 տրլն կամ 10,71 տոկոսը` ժամկետանց պարտքեր են: Հղումներ թեմայով.   Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար   |  Բաժիններ թեմայով Վերջին լուրեր Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին  Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռներըՄարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներԱԱԾ․ Ադրբեջանցի զինծառայողի կողմից ՀՀ սահմանը հնարավոր հատելու դեպքով տվյալներ չկան Այլ տեղեկությունների դեպքում կտրվի լրացուցիչ պարզաբանումԱԺ խորհուրդը մերժել է ընդդիմության միջնորդությունը Կոնջորյանն ասել է, որ իրենց խմբակցությունը հունիսի 17-ին էլ չի մասնակցելու արտահերթ նիստին |
