Թուրքիայում բախումների հետևանքով 3 զինվորական է սպանվել և 8 քուրդ զինյալ

3 մարտի 2016 - 13:01 AMT

PanARMENIAN.Net - Թուրքիայի գլխավոր շտաբը հայտնել է 3 զինծառայողի և Թուրքիայում արգելված Քրդստանի աշխատավորական կուսակցության (ՔԱԿ) 8 անդամի մահվան մասին երկրի հարավ-արևելյան շրջաններում: Բախումները մասնավորապես տեղի են ունեցել Մարդին գավառի Դարգեչիթ քաղաքում:

«Մարտի 2-ին անջատողական ահաբեկչական կազմակերպության (ՔԱԿ) անդամների դեմ գործողության ժամանակ Դարգեչիթում զոհվել է 3 զինծառայող, ոչնչացվել է 8 ահաբեկիչ»,-ասվում է Թուրքիայի գլխավոր շտաբի հաղորդագրության մեջ, հայտնում է ՌԻԱ Նովոստին:

Ըստ Թուրքիայի գլխավոր շտաբի տվյալների, դեկտեմբերի կեսից ոչնչացվել է ավելի մոտ 1000 քուրդ գրոհային, սպանվել է 270 զինվորական և ոստիկան: Քուրդ ակտիվիստները պնդում են, որ զոհերի մեծ մասը խաղաղ բնակիչներ են:

Թուրքիայի արևելյան առավելապես քրդաբնակ շրջանների մոտ 200 հազար բնակիչ հեռացել է տներից վերջին ամիսներին թուրքական բանակի և քուրդ զինյալների միջև բախումների հետևանքով: Ինտենսիվ մարտեր են ընթանում Դիարբեքիրում: Ամբողջ քաղաքով մեկ լսվում են տանկերի համազարկեր: Մշտապես պտտվում են ոստիկանական ուղղաթիռները: Վերջին ամիսներին Սուրը վերածվել է ՔԱԿ գրոհայինների և թուրքական բանակի դիմակայության վայրի:

Դիարբեքիրի 4 թաղամասում հայտարարվել է պարետային ժամ: Թուրքական ԶՈՒ-ն պարետային ժամի ընթացքում իրականացրել է լայնածավալ գործողություններ` քուրդ գրոհայինների փորած խրամատները ծածկելու, բարիկադները հեռացնելու և ինքնաշեն ռումբերը հայտնաբերելու ուղղությամբ:: Թուրք ուժայինները արգելք են դրել փողոց դուրս գալու վրա: Ջիզրեում և Սուրում շարունակվում են փողոցային բախումները:

Հղումներ թեմայով.

Ria.ru. В столкновениях в Турции погибли трое военных и 8 членов РПК