Ղրղզստանն ու Ուզբեկստանը կարգավորել են սահմանային վեճը26 մարտի 2016 - 11:10 AMT PanARMENIAN.Net - Ղրղզստանն ու Ուզբեկստանը համաձայնության են եկել սահմանին իրավիճակի կարգավորման վերաբերյալ, հայտնում է ՌԻԱ Նովոստի գործակալությունը Ղրղզստանի սահմանապահ ծառայության վրա հղումով: Երկու երկրների սահմանին ստեղծված իրավիճակը սրվել էր նախորդ շաբաթվա վերջում: Իրավիճակը երկու երկրների սահմանին սրվեց մարտի 18-ին, երբ ուզբեկական կողմը մոտ 40 զինծառայող և զրահատեխնիկա տեղակայեց ղրղզա-ուզբեկական սահմանի վիճելի հատվածում` Ջալալաբադի շրջանի Չալասարտ տարածքում: «Երկու երկրների սահմանապահ գերատեսչությունների ղեկավարների բանակցությունների արդյունքում իրավիճակը հաջողվել է շտկել: Ուզբեկստանը հետ է քաշել զինտեխնիկան և զինվորականներին ղրղզա-ուզբեկական սահմանի վիճելի տարածքից»,-ասել է գործակալության զրուցակիցը: Ըստ նրա, այժմ քաղաքացիների համար ևս մեկ անցակետ է բացվել սահմանին` «Կադամժայ ավտոդորոժնի»: Մինչև վերջերս Ղրղզստանի և Ուզբեկստանի սահմանին գործում էր միայն մեկ անցակետ` «Ղըզըլ Կիյ», որը նախատեսված է ուզբեկական Սոխ և Շահիմարդին անկլավների բնակիչների համար: Ինչպես հայտնում է Ղրղզստանի նախագահի մամուլի ծառայությունը, մարտի 26-ին երկրի սահմանապահ ծառայության նախագահ Ռահիմբերդի Դույշենբիևը հեռախոսազրույցի ժամանակ զեկուցել է նախագահ Ատամբաևին, որ «երկու երկրների սահմանապահ ստորաբաժանումներն ըստ ձեռք բերված պայմանավորվածության անցնում են սահմանի պահպանության բնականոն ռեժիմի»: Մարտի 22-ին պաշտոնական Բիշքեկը դիմել է ՀԱՊԿ-ին հանգուցալուծելու համար վեճն Ուզբեկստանի հետ սահմանին: Ղրղզստանի և Ուզբեկստանի սահմանին իրավիճակի սրման պատճառով Բիշքեկ է գործուղվել ՀԱՊԿ գլխավոր քարտուղարի տեղակալ Արա Բադալյանը: Ղրղզստանի և Ուզբեկստանի պետական սահմանի երկարությունը 1,3 հազար կմ է, ԽՍՀՄ փլուզումից հետո ղրղզա-ուզբեկական պետսահմանի ամբողջ երկարության գրեթե մեկ քառորդը սահմանազատված չէ, ինչը մշտական բախումների պատճառ է հանդիսանում սահմանին: Վերջին 3 տարում տեղի է ունեցել մի քանի տասնյակ սահմանային միջադեպ զենքի կիրառմամբ: Երբ Ղրղզստանը 2015-ին անդամակցեց ԵՏՄ-ին, այդ երկրի պետական սահմանը դարձավ ԵՏՄ հարավային սահման: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |