Զաքարյան. Եվրանեսթ ԽՎ-ի նիստին 4 զեկույց է անցկացվել, որոնք ընդունելի են ՀՀ-ի համար29 մարտի 2016 - 15:33 AMT PanARMENIAN.Net - Արևելյան գործընկերության «Եվրանեսթ» խորհրդարանական վեհաժողովի հինգերորդ լիագումար նիստին ընդհանուր առմամբ 4 զեկույց է ընդունվել, և դրանք բխում են ՀՀ-ի համար ընդունելի դիրքերից: Այս մասին խորհրդարանական վեհաժողովում ՀՀ ԱԺ պատվիրակության անդամների ասուլիսին ասել է ԱԺ պատվիրակության ղեկավար Արտակ Զաքարյանը: «Զեկույցների կետերն ամբողջությամբ ընդունելի բնույթ են կրում և արտահայտում են ՀՀ-ի շահերը և նպատակները»,-ասել է Զաքարյանը՝ նշելով, որ նախապես, մինչ զեկույցների ընդունելը, ԼՂ հարցին առնչվող հակասություններ կային, և պատվիրակությունը կարողացել է ձեռք բերել համաձայնություն առաջարկի հեղինակների հետ՝վերանայել իրենց առաջարկներից անընդունելի ձևակերպումները: ԱԺ պատվիրակության ղեկավարը նշել է, որ անընդունելի ձևակերպումներ ասելով՝ նկատի ունեն այնպիսի մեջբերումներ, ինչպիսիք են՝ «օկուպացված տարածքներ», «ռազմական ագրեսիա», «տարածքային ամբողջականություն», «զորքերի դուրսբերում» և այլն, գրում է Tert.am-ը: «Եվրամիության անդամ և Արևելյան գործընկերության երկրների արտաքին քաղաքականությունների և այդ երկրների անվտանգությանը սպառնացող մարտահրավերների վերաբերյալ ընդհանուր դիրքորոշումներ և մտահոգություններ» թեմայով զեկույցում, ըստ Զաքարյանի, մի շարք դրույթներ էին արտացոլված, որոնք արտահայտում էին ԼՂ խնդրի խաղաղ կարգավորման անհրաժեշտությանը: «Առանձին կերպով խոսք է գնում խաղաղ կարգավորման և նախագահների երկխոսության միջոցով քաղաքական լուծումների ձեռքբերման և ԵԱՀԿ Մինսկի խմբի շրջանակներում լուծման մասին, ինչպես նաև դատապարտվում է փակ սահմանների առկայությունը՝ նկատի է առնվում Թուրքիայի հետ ունեցած փակ սահմանը: Մնացած առումներով ընդհանուր մոտեցումներ են»,-ասել է նա: Եվրանեսթ ԽՎ-ի նիստերն անցել են առանց Ադրբեջանի պատվիրակության, քանի որ նրանք դիմում են ներկայացրել, հրաժարվելով մասնակցել նիստերին: Պատվիրակության անդամ Թևան Պողոսյանը նշել է, որ հաշվի առնելով, որ սահմանին լարված իրավիճակ էր, իրենք պատրաստել էին գործընկերների համար կոչ, որպեսզի զերծ մնալ զինադադարի խախտումից, ատելության բառապաշարի օգտագործումից: Ըստ նրա, պատվիրակությունը նաև կարողացել է պայմանավորվածության գալ, որ ԼՂՀ հիմնախնդիրը Եվրանեսթում չեն քննարկում, քանի որ դրա համար կա առանձին Մինսկի համանախագահների խումբ: «Մենք պայմանավորվածություն ենք ձեռք բերվել, որ ոչ մի ձևակերպում, որը կվնասի ԼՂ գործընթացին, այլևս չի դառնալու եմ Եվրանեսթում քննարկելու թեմա, ինչը մեր գլխավոր նպատակն էր: Սա երևի գլխավոր հաջողությունն էր, որ հասանք»,-ասել է Պողոսյանը: Նա տեղեկացրել է, որ իրենց գործընկեր համանախագահները ապրիլին պետք է մեկնեն Ադրբեջան, մեկ անգամ ևս բանակցեն Ադրբեջանի ղեկավարության հետ, որ այդուհանդերձ ադրբեջանցիները վերադառնան Եվրանեսթ: «Հայկական կողմը հարգել էր և մասնակցել էր լիագումար նիստին Բաքվում, իսկ ադրբեջանցիները չէին մասնակցել Երևանում: Ադրբեջանը դիմում է գրել, որ դուրս գա՝ հասկանալով, որ իր ցանկությունները չի կարող այս ֆորմատով անցկացնելը»,- նկատել է Պողոսյանը: Ադրբեջանի խորհրդարանը 2015-ի հոկտեմբեր ամսին իր հատուկ նիստում, որպես դժգոհության քայլ` ուղղված Եվրախորհրդարանի կողմից Ադրբեջանի վերաբերյալ քննադատական բանաձևերի ընդունմանը, որոշում էր կայացրել դադարեցնել իր մասնակցությունը Եվրանեսթ ԽՎ-ի աշխատանքներին։ Կարդացեք նաև՝ Զաքարյան. Բաքվի պատվիրակությանը Եվրանեսթ ԽՎ վերադարձնելու փորձերը չպետք է լինեն վեհաժողովի հեղինակության հաշվին Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |