30  09.04.16 - ԵԱՀԿ Մինսկի Խմբի համանախագահների դեմ բողոքի ցույց ՀՀ արտաքին գործերի նախարարության դիմաց

Երևանում ԵԱՀԿ ՄԽ համանախագահներին բողոքի ցույցով են դիմավորել (թարմացված)

Երևանում  ԵԱՀԿ  ՄԽ համանախագահներին բողոքի ցույցով են դիմավորել (թարմացված)

PanARMENIAN.Net - Երևանում ապրիլի 9-ին բողոքի ցույցով են դիմավորել ԵԱՀԿ Մինսկի խմբի համանախագահներին: Ակցիայի մասնակիցները կոչ են արել լիարժեք գնահատել իրավիճակը, պատժել միջազգային իրավունքին համապատասխան Ադրբեջանի ագրեսիան, հասցեական հայտարարություններ անել, ճանաչել ԼՂ անկախությունը:

ՀՀ արտաքին գործերի նախարարության շենքի դիմաց բողոքի ակցիան ընթանում էր ԼՂՀ հակամարտության կարգավորման հարցում միջազգային կազմակերպությունների, մասնավորապես ԵԱՀԿ Մինսկի խմբի անգործության դեմ:

Արտգործնախարարության շենք ժամանել են ԵԱՀԿ Մինսկի խմբի երեք համանախագահը, որոնք անցնելով հավաքված ցուցացարների կողքով, լուռ մտել են շենք, գրում է Tert.am-ը:

Նրանցից միայն ԱՄՆ համանախագահ Ջեյմս Ուորլիքը մի պահ կանգնել էր և նայել հավաքվածներին:

Ակցիայի մասնակիցները՝ մի քանի հարյուր հոգի, վանկարկում էին «ամոթ» և «ճանաչում», «Ղարաբաղը մերն է»:

Նրանք պահում էին ցուցապաստառներ՝«Stop terrօrism», «Ալիև մարդասպան», «Ղարաբաղն անկախ է», «Մենք ենք Արցախը» և այլ հայերեն, անգլերեն և ռուսերեն գրությամբ:

Ավելի ուշ ԱԳՆ շենքից դուրս են եկել ԵԱՀԿ Մինսկի խմբի երեք համանախագահը, որոնք անցան ԼՂՀ և ՀՀ դրոշներն ու ցուցապաստառները պարզած ցուցարարների կողոքով:

ԱՄՆ համանախագահ Ջեյմս Ուորլիքին լրագրողները հարցրել են, թե ինչու Մինսկի խումբը բացի դատապարտող և կողմերի միջև հավասարություն դնող հայատարությունից, այլ քայլեր չի նախաձեռնում, սակայն Ուորլիքը չի պատասխանել հարցին: Նա ասել է, որ նույն օրը լինելու է մամուլի ասուլիս, որի ընթացքում էլ կպատասխանի բարձացված հարցերին:

Այդ ընթացքում ցուցարները շարունակում էին սուլել և վանկարկել՝ ճանաչում:

Ապրիլի լույս 2-ի գիշերից ապրիլի 5-ը ղարաբաղա-ադրբեջանական շփման գծում շարունակվող մարտերում ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 26 տանկ, 4 ՀՄՄ, 1 «Գրադ», ինժեներական 1 մեքենա և 14 ԱԹՍ: Ադրբեջանն ընդունել է 31 զինծառայողի զոհվելու, ինչպես նաև 1 տանկի ու 1 ուղղաթիռի ոչնչացման փաստը և չի հայտնել ոչ մի վիրավորի մասին՝ այն դեպքում, երբ միայն հայկական կողմի հրապարակած ֆոտո- և տեսանյութերում առկա են մի քանի տասնյակ դիակներ, 1 ուղղաթիռ և 3 ԱԹՍ: Ադրբեջանական ընդդիմադիր ԶԼՄ-ները, սակայն, հրապարակել են 81 հոգու զոհվելու, ևս 6 անհետ կորածի փաստը հաստատող տեղեկություններ: Ստեփանակերտի գնահատականով, Ադրբեջանի ընդհանուր կորուստները գերազանցում են 300-ը:

Հայկական կողմն ունի 46 զոհ, 122-ը վիրավորվել է, 21-ն անհետ կորած են: ՊԲ-ն նաև 14 տանկ է կորցրել:

Ապրիլի 5-ին Մոսկվայում Հայաստանի ու Ադրբեջանի ԶՈւ գլխավոր շտաբերի պետերի միջև ժամը 12:00-ից կրակի դադարեցման մասին երկկողմանի պայմանավորվածություն է ձեռք բերվել՝ բանակցություններ անցկացնելու պայմանով:

Ապրիլի 2-ի ադրբեջանական կողմի հրթիռահրետակոծության ժամանակ ստացած վնասվածքից զոհվել է 12-ամյա Վաղինակ Թաթուլի Գրիգորյանը։ Երկու վիրավոր երեխաների վիճակը կայուն է միջին ծանրության է: Ադրբեջանցի զինվորները նաև Թալիշում դաժանորեն սպանել են երեք խաղաղ բնակչի:

ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Էլինար Վարդանյանը ապրիլի 6-ին հանդիպել է Եվրոպայի խորհրդի «Ազգային փոքրամասնությունների պաշտպանության մասին» շրջանակային կոնվենցիայի Խորհրդատվական կոմիտեի անդամների հետ:

Էլինար Վարդանյանը, խոսելով ազգային փոքրամասնությունների խնդիրներից, խոսել է եզդի զինվոր Քյարամ Սլոյանի մասին, ում օրեր առաջ ղարաբաղա-ադրբեջանական շփման գծում տեղի ունեցող իրադարձությունների ընթացքում գլխատել էին ադրբեջանցի զինվորները:

Կարդացեք նաև՝ Մարուքյան. Բաքուն իրավական պատասխանատվության պետք է ենթարկվի, ապացուցողական բազան բավարար է

Ադրբեջանի ԱԳՆ-ն հայտարարել է, որ չի բանակցի Ստեփանակերտի հետ

Ղարաբաղա-ադրբեջանական հակամարտությունը

Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---