Հայաստանը վերացրել է դեպի Ուկրաինա թռիչքների սահմանափակումները20 մայիսի 2016 - 12:49 AMT PanARMENIAN.Net - Ուկրաինայի Պետական ավիացիոն ծառայությունը պայմանավորվածություն է ձեռք բերել Հայաստանի Քաղավիացիայի գլխավոր վարչության հետ երկրների միջև օդային հաղորդակցության սահմանափակումներից հրաժարվելու մասին: Դա վերաբերում է փոխադրողների քանակին և թռիչքների հաճախականությանը, հայտնում է economics.lb.ua-ն Ուկրաինայի Պետական ավիացիոն ծառայության վրա հղումով: 1995-ից Հայաստանի և Ուկրաինայի կառավարությունների միջև գործող օդային հաղորդակցության մասին համաձայնագրով երկու երկրների միջև ուղևորների, բեռների և փոստի փոխադրում կարող էր իրականացնել մեկ ավիաընկերություն յուրաքանչյուր կողմից, թռիչքների հաճախականությունը ևս սահմանափակ էր` շաբաթական մինչև 3 չվերթ: Այժմ ՀՀ և Ուկրաինայի միջև փոխադրողների քանակի սահմանափակումներ այլևս չեն լինի, չեն լինի սահմանափակումներ նաև չվերթների հաճախականության և ժամանման ու մեկնման կետերի մասով: Ավելի վաղ ՀՀ էկոնոմիկայի նախարար Արծվիկ Մինասյանը Invest Armenia-2016 գործարար համաժողովի բացմանը հայտարարեց, որ Հայաստանը ձգտում է տարանցիկ երկիր դառնալ ավիափոխադրումների համար: Նախարարը հիշեցրել է, որ Հայաստանը «բաց երկնքի» քաղաքականություն է վարում և արդեն զգալի առաջընթաց ունի, մասնավորապես, բազում ավիաընկերություններ ցանկություն են հայտնել աշխատելու հայկական շուկայում, իսկ մի մասն արդեն արտոնագիր է ստացել: «Մենք ակնկալում ենք հեղինակավոր ավիաընկերությունների մուտքը հայկական շուկա, ինչը կհանգեցնի ավիատոմսերի գների նվազեցման: Ընդ որում անհրաժեշտ է ձգտել դրան, որպեսզի օտարերկրյա ավիաընկերությունները տեղակայվեն Երևանում, իսկ Հայաստանը տարանցիկ երկիր դառնա»,-ասել է Մինասյանը: Հղումներ թեմայով. Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |