 Պուտին. ՌԴ-ն պատրաստ է վերականգնել հարաբերությունները Թուրքիայի հետ 28 մայիսի 2016 - 14:16 AMT PanARMENIAN.Net - Ռուսաստանը պատրաստ է բանակցել Թուրքիայի հետ ստեղծված դիմակայությունը կարգավորելու նպատակով: Այդ մասին հայտարարել է ՌԴ նախագահ Վլադիմր Պուտինը Աթենքում կայացած մամուլի ասուլիսում: «Մենք հայտարարություններ ենք լսում հարաբերությունները վերականգնելու ցանկության մասին: Մենք ևս ցանկանում ենք վերականգնել հարաբերությունները: Մենք չենք դրանց խզման պատճառը»,-ասել է Պուտինը: Նա նաև նշել է, որ Մոսկվան ներողություն է ակնկալում Անկարայից թուրքական ԶՈւ կողմից ռուսական ինքնաթիռի խոցման համար, որը մասնակցում էր Սիրիայում ընթացող ռազմական գործողությանը: Ըստ Պուտինի, Ռուսաստանը չի հրաժարվել Սև ծովով դեպի Հունաստան և հետո` Իտալիա, գազատարի կառուցման մտադրությունից: «Մենք պատասրտ ենք ցանկացած նախագծի, բայց մեզ երաշխիքներ են պետք»,-ասել է Պուտինը «Հարավային հոսքի» մասին հարցին ի պատասխան: Ավելի վաղ գազամուղի նախագիծը Թուրքիայի տարածքով կյանքի չկոչվեց երկրների միջև հարաբերությունների վատթարացման պատճառով: ՌԴ և Թուրքիայի հարաբերությունները կտրուկ վատթարացան թուրքական օդուժի կողմից ռուսական Սու-24-ի խոցումից հետո: Դեկտեմբերի 1-ից Ռուսաստանում արգելվել են չարթերային թռիչքները դեպի Թուրքիա, բացառությամբ ռուս զբոսաշրջիկներին վերադրձնելու համար գործարկվածներից: 2016-ի հունվարի 1-ից Ռուսաստանը կասեցրել է առանց մուտքի արտոնգրերի ռեժիմը Թուրքիայի քաղաքացիների համար: Հղումներ թեմայով.   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
