Պեսկով.Աշխատանքային խումբը չի լուծի ռուս-թուրքական հարաբերությունների հարցը30 մայիսի 2016 - 16:53 AMT PanARMENIAN.Net - Ռուս-թուրքական հարաբերությունների կարգավորման նպատակով աշխատանքային խումբ ստեղծելու Թուրքիայի առաջարկը չի լուծի եղած խնդիրները` դա կարող է անել միայն Թուրքիայի ղեկավարությունը: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը: Ավելի վաղ Թուրքիայի ԱԳ նախարար Մևլութ Չավուշօղլուն հայտարարել էր, որ Անկարան առաջարկում է աշխատանքային խումբ ստեղծել թուրք-ռուսական հարաբերությունների կարգավորման համար: «Կարծում եմ, այդ առաջարկի պատասխանը կարելի է գտնել նախագահ Պուտինի հայտարարություններում, որոնք արվել են նախօրեին: Նախագահ Պուտինը բավականին հստակ է արտահայտել մեր դիրքորոշումը: Նա ասել է, որ, անկասկած, ինչ-որ շփումներ կան կարգավորման ուղիներ գտնելու նպատակով, սակայն ոչ մի աշխատանքային խումբ այդ խնդիրը լուծել չի կարող»,-ասել է Պեսկովը, հայտնում է ՌԻԱ Նովոստին: Հունաստան այցի ժամանակ ՌԴ նախագահը պարզաբանել էր, որ Մոսկվան Անկարայից կոնկրետ քայլեր է ակնկալում`երկրների միջև հարաբերությունների կարգավորման ուղղությամբ` մասնավորապես, խոսքը ներողության և վնասի հատուցման մասին է: Պեսկովը նշել է, որ այս իրավիճակում ամեն ինչ կախված է Թուրքիայի ղեկավարությունից: «Դա կարող է անել միայն Թուրքիայի ղեկավարությունը, որից, անկասկած, Մոսկվայում ակնկալում են այն գործողությունները, որոնց մասին Պուտինը մեկ անգամ ևս խոսել է Աթեքնում»,-ասել է նախագահի մամուլի քարտուղարը: ՌԴ և Թուրքիայի հարաբերությունները կտրուկ վատթարացան թուրքական օդուժի կողմից ռուսական Սու-24-ի խոցումից հետո: Դեկտեմբերի 1-ից Ռուսաստանում արգելվել են չարթերային թռիչքները դեպի Թուրքիա, բացառությամբ ռուս զբոսաշրջիկներին վերադրձնելու համար գործարկվածներից: 2016-ի հունվարի 1-ից Ռուսաստանը կասեցրել է առանց մուտքի արտոնգրերի ռեժիմը Թուրքիայի քաղաքացիների համար: Ընթերցեք նաև. Անկարան առաջարկում է աշխատանքային խումբ ստեղծել ՌԴ հետ հարաբերությունների կարգավորման համար Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |