Հայ բժիշկները վիրահատություններ են արել Թբիլիսիում՝ շահույթը նվիրելով տեղի կենդանաբանական այգուն

PanARMENIAN.Net - 2016թ. մայիսի 13-15 ընկած ժամանակահատվածում գերմանական «Բրեդենտ մեդիքալ» ատամների իմպլանտներ արտադրող ընկերության կողմից հավաստագիր ստացած բժիշկները «Բրեդենտ մեդիքալ» ընկերության խորհրդատու Դավիթ Գալստյանի ղեկավարությամբ նորարարական մեթոդների և նորագույն տեխնոլոգիաների կիրառմամբ ցուցադրական վիրահատություններ են անցկացրել Թբիլիսիում:

Վիրահատություններին մասնակցել են Հայաստանից և Վրաստանից հրավիրված բժիշկներ: Վիրահատությունների ընթացքում ստացված գումարը փոխանցվել է 2015թ. հունիսի 14-ին ջրհեղեղի հետևանքով տուժած Թբիլիսիի կենդանաբանական այգու ֆոնդին, հայտնում է «Գալա»-ն:

Միջոցառումը նաև հնարավորություն է ընձեռել հայ, վրացի և գերմանացի բժիշկների միջև ատամների իմպլանտացիայի ոլորտում նորարարական մեթոդների փորձի փոխանակման համար։

Վիրահատություններն իրականացնողներն են Հայաստանի «Դիվիդենտ» կլինիկայի իմպլանտոլոգ Դավիթ Գալստյանն իր թիմով: Վիրահատություններին մասնակցել է նաև Վրաստանի «Էքսներ և ընկերներ» կլինիկայի դիմածնոտային վիրաբույժ-իմպլանտոլոգ Մայա Կիվիլաձեն, հայտնում է Galatv-ին:

2015-ի հունիսի 13-ի լույս 14-ի գիշերը տեղացած հորդառատ անձրևները հեղեղեցին Վրաստանի մայրաքաղաք Թբիլիսիի փողոցները։ Ավերված կենդանաբանական այգուց գիշատիչներ էին նփախել` գայլեր, վագրեր, արջեր, իսկ այգու տարածքն ամբողջողովին ավերված էր:

Ջրհեղեղի ընթացքում զոհվել էր 20 մարդ, ևս 2-ն անհետ կորած էն համարվում: