17  11.07.16 - Choco Fest շոկոլադի առաջին փառատոնը Հայաստանում

Հայաստանում առաջին անգամ անցկացվեց Choco Fest շոկոլադի փառատոնը

Հայաստանում առաջին անգամ անցկացվեց Choco Fest շոկոլադի փառատոնը

PanARMENIAN.Net - Հուլիսի 11-ին Հայաստանում առաջին անգամ անցկացվեց Choco Fest շոկոլադի փառատոնը: Շոկոլադի միջազգային օրվան նվիրված միջոցառումը տեղի ունեցավ LOFT ինքնազարգացման ու ժամանցի կենտրոնում:

Կենտրոնը լեփլեցուն էր արդեն մինչև փառատոնի մեկնարկը: Հայ երիտասարդությունն եկել էր համտեսելու տեղական ու արտասահմանյան արտադրողների շոկոլադը:

Ընդամենը փառատոնին մասնակցեցին 6 ընկերություններ՝ I Vending, Arcolad, Marengo, Grig Chocolat, Gourmet Dourme, ChocoDin.

Ներկայացվել են շոկոլադե դրաժեներ, սալիկներ, շոկոլադապատ չիրեր, ըմպելիքներ ու այլ արտադրանք: Բոլոր մասնակիցները ջանացին մաքսիմալ գրավիչ ներկայացնել իրենց արտադրանքը:

Ընկերություններից մեկն անգամ ներկայացրել էր շոկոլադապատ բաստուրմա` առաջին հայացքից, անհամատեղելի բաղադրատոմսերի միասնություն:

Միջոցառումն ուղեկցվում էր վիկտորինայով, երաժշտությամբ ու նվերներով:

Կազմակերպիչները հայտնել են, որ պատրաստվում են դարձնել փառատոնն ամենամյա միջոցառում:

Տարածված վարկածի համաձայն, շոկոլադն առաջինը պատրաստել են ացտեկները: Իսպանացի կոնկիստադոներն, ովքեր բերեցին այն Եվրոպա, անվանում էին շոկոլադը «սև ոսկի» ու օգտագործում այն սեփական ուժերի ամրապնդման համար:

Երկար ժամանակ այն հասու էր միայն ազնվականությանն ու հարուստ խավին: Շոկոլադի մասսայականությունը տեղի ունեցավ 20-րդ դարի սկզբում, երբ այն սկսեցին արդարդել արդյունաբերական մասշտաբներում:

Շոկոլադի օրն առաջին անգամ անցկացվել է 1995 թվականին Ֆրանսիայում:

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---