Թուրքիայում հեղաշրջման փորձ է. Զինվորականների, ոստիկանների, ցուցարարների բախումներ16 հուլիսի 2016 - 00:11 AMT PanARMENIAN.Net - Թուրք զինվորականների խումբը հայտարարել է երկրում ռազմական հեղաշրջման, Էրդողանին իշխանությունից հեռացնելու ու նոր սահմանադրության անցման մասին, ինչին հետևեց իշխանության կոչը դուրս գալ փողոց ու դիմադրություն ցույց տալ բանակին: Անկարայում և Ստամբուլում ավիացիայի ու տանկերի կիրառմամբ բախումներ են տեղի ունեցել: PanARMENIAN.Net ը հետևում է Թուրքիայում տեղի ունեցող զարգացումներին: 04:07 Իրավիճակը Թուրքիայում համեմատաբար խաղաղվում է: PAN-ն ընդհատում է զարգացումների լուսաբանումը մինչև առավոտ: 04:05 Ազգային հետախուզությունը հայտարարել է, որ հեղաշրջման փորձը տապալված է 03:45 Թուրքիայի խորհրդարանը հրթիռակոծվել է, հայտնում է Fox-ը: Ըստ աղբյուրի, կրակը ռազմական ուղղաթիռ էր վարում: 03:28 ԱՄՆ նախագահ Բարաք Օբաման մեկնաբանել է հեղաշրջման փորձը, նշելով, որ ԱՄՆ-ը աջակցում է ընտրված իշխանությանը: 03:26 Ըստ վարչապետ Յըլդըրըմի, հեղաշրջման փորձի մի քանի կազմակերպիչներ ձերբակալված են, գրում է ԱՆԱԴՈԼՈՒ գործակալությունը: Աղբյուրը հրապարակել է ձերբակալված զինծառայողների լուսանկարներ:
03:22 Երկրի բոլոր հիմնական քաղաքական ուժերը դատապարտել են հեղաշրջման փորձը: 03:12 Հայտնվեցին առաջին տեղեկությունները զոհերի մասին. Անկարայում սպաանվել է առնվազն 17 ոստիկան: Նրանք գտնվում էին շենքում, որի վրա ռազմական ուղղաթիռն է հարձակվել: 03:09 Կառավարական ուժերի F-16-ը ոչնչացրել է Անկարայում ոստիկաններին գրոհող ռազմական ուղղաթիռը, հայտնում է Independent-ը: 03:06 Ռազմական ուղղաթիռը Անկարայում կրակ է բացել հավաքված ցուցարարների ուղղությամբ: Ականատեսները տեղադրում են տեսանյութեր դեպքի վայրից: 02:49 Ստամբուլի տարբեր թաղամասերում բախումներ են բանակի ու ցուցարարների միջև, ինչպես նաև` ոստիկանների ու զինվորականների միջև փոխհրաձգություններ: 02:42 Վրաստանը փակել է սահմանը Թուրքիայի հետ, հատել այն թուլատրվում է միայն Թուրքիայի քաղաքացիներին, հայտնում է :Ռուսթավի-2" հեռուստաալիքը: 02:37 Հրաձգություն Ստամբուլում, Բոսֆորի ափերը միավորող կամուրջին. վիրավորվել է Էրդողանի 3 կողմնակից, հայտնում է CNNTurk-ը:
02:30 Սիրիայի մայրաքաղաք Դամասկոսում մարդիկ դիմավորել են Թուրքիայում հեղաշրջման մասին լուրերն ուրախությամբ. հավաքվածներն օդ են կրակել, նշելով Էրդողանի հնարավոր տապալումը, գրում է Reuters-ը: 02:30 Թուրքիայի արդարադատության նախարարը մեղադրել է հեղաշրջման փորձի համար ԱՄՆ-ում բնակվող ընդդիմադիր առաջնորդ Ֆեթուլահ Գյուլենին: 02:16: Reuters-ը հայտնում է, որ տանկերը կրակ են բացել խորհրդարանի մերձակայքում: 02:13 Անկարայում ու Ստամբուլում պայթյուններ և փոխհրաձգություններ են տեղի ունենում. Telegraph-ը հայտնում է, որ Թուրքիայի խորհրդարանը շրջապատված է տանկերով, Anadolu-ն գրում է, որ ռազմական ուղղաթիռը ռմբակոծել է ժանդարմերիայի շենքը: Ցուցարարների ամբոխները դիմադրում են զինվորներին, մզկիթներում կոչ են անում պայքարել բանակի դեմ: 01:58 Ստամբուլի Թաքսիմ հրապարակում լարված է. հավաքված ամբոխը ողջունում է զինվորականներին, ոստիկանները, որոնք հավատարիմ են մնացել Էրդողանին, պահանջում են բանակայիններից հեռանալ: Մանր բախումներ են տեղի ունեցել, ըստ սոցցանցերում վկայությունների, ոստիկանները կրակել են օդ` ուժ կիրառելու պատրաստակամություն ցույց տալով:
01:36 Էրդողանը հարցազրույց է տվել CNN-ին` կոչ անելով ժողովրդին դուրս գալ դիմադրության բանակի դեմ:
01:32 Ստամբուլի Աթաթուրք օդանավակայանից բոլոր թռիչքները կասեցվել են, այդ թվում` դեպի Երևան իրականացվելիք չվերթը: Օդանավը պիտի Երևան ժամաներ տեղական ժամանակով 02:07: 01:27 Անկրայում այրվում է ազգային հետախուզության վարչության շենքը
01:18 Զինվորականները հայտարարել են, որ երկիրը նոր սահմանադրություն կունենա: Նախագահ Էրդողանը ձգտում էր Թուրքիան դարձնել նախագահական երկիր` կենտրոնացնելով իշխանությունը իր ձեռքերում: 01:15 Թուրքական TRT հեռուստաալիքով իշխանությունը վերցրած զինվորականները համապետական պարետային ժամ են հայտարարել: 01:13 Անկարայի քաղաքապետը կոչ է արել բնակչությանը դուրս գալ փողոց և դիմադրել բանակին: 01:08 CNN Turk-ը հայտնում է, որ Էրդողանի պալատն ուղեղացված պահպանության տակ է վերցված, ինքը նախագահը անվտանգ վայրում է: 00:56 Շտաբի պետ Հուլուսի Աքարը ևս պատանդների թվում է, հայտնել է թուրքական NTV-ն: 00:50 Թուրքական Գլխավոր շտաբի շենքում պատանդներ կան, հայտնում են թուրքական ԶԼՄ-ները:
00:46 Twitter-ում տեղադրվել է Անկարայի կենտրոնում ռազմական ուղղաթիռի կիրառման տեսանյութը: 00:43 Ստամբուլի Աթաթուրք օդանավակայանից բոլոր թռիչքները կասեցվել են: 00:35 Ռազմական ղեկավարությունը հայտնում է նախագահ Ռեջեփ Թայիփ Էրդողանին իշխանությունից հեռացնելու մասին, գրում է Reuters-ը: 00:24 Ականատեսների վկայությամբ, տանկերը փակում են նաև Անկարայի Աթաթուրք օդանավակայանի ճանապարհը
00:19 Վարչապետ Յըլդըրըմը հայտարարել է, որ իրավապահների ողջ անջնակազմին հրամայված է աշխատանքի ներկայանալ: 00:15 Հրաձգություն է ընթանում երկրի ԶՈՒ Գլխավոր շտաբի շենքի հարևանությամբ: Բացի այդ, ռազմական ուղղաթիռը գնդակոծել է թիրախ Անկարայի կենտրոնում գտնվող հետախուզական վարչության հարևանությամբ:
00:13 Twitter-ը, Youtube-ն ու Facebook-ը Թուրքիայում արգելափկված են: 00:10 Թուրքիայի վարչապետ Բինալի Յըլդըրըմը հայտարարել է ռազմական հեղաշրջման փորձի մասին 00:05 Իշխանամետ Yeni Safak-ը հայտնում է հեղաշրջման փորձի մասին: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |