Թուրքիայում հեղաշրջման փորձից հետո աշխատանքից ազատվել է ավելի քան 76.000 պետծառայող

11 օգոստոսի 2016 - 17:55 AMT

PanARMENIAN.Net - Հրապարակվել է Թուրքիայում հուլիսի կեսերին իրականացված ռազմական հեղաշրջման փորձից հետո ձերբակալված և աշխատանքից ազատված անձանց թիվը։

Երկրի ներքին գործերի նախարար Էֆքան Ալան հայտնել է, որ Թուրքիայում ահաբեկչական համարվող FETÖ կազմակերպության դեմ գործողության շրջանակում աշխատանքից ազատվել է 76.100 պետծառայող։

Ալան հայտնել է, որ ձերբակալվել է 16.899 մարդ, նրանցից 3.083-ը՝ ոստիկան, 7.248-ը՝ զինվորական, 2.288-ը՝ դատավոր ու դատախազ, «Հուրրիյեթ» թերթին հղումով գրում է Tert.am-ը։

Նա նաև հավելել է, որ 190 զինվորական, որոնցից 9-ը՝ գեներալ, և 96 ոստիկան գտնվում է հետախուզման մեջ։

Հուլիսի լույս 16-ի գիշերը հայտնի դարձավ Թուրքիայում պետական հեղաշրջման փորձի մասին: Անկարայում և Ստամբուլում ավիացիայի ու տանկերի կիրառմամբ բախումներ են տեղի ունեցել: Թուրք զինվորականների խումբը հայտարարել է երկրում ռազմական հեղաշրջման, Էրդողանին իշխանությունից հեռացնելու մասին, սակայն ապստամբ զինվորականների գործողությունները ձախողվել են: Բախումներում զոհվել է 164 կառավարության աջակից, Reuters հաղորդմամբ, հայտարարել է Թուրքիայի վարչապետ Բինալի Յըլդըրըմը: Ընդհանուր զոհերի թիվը հասել է 265-ի: Թուրքիայի կառավարությունը կքննարկի երկրում մահապատժի վերականգնումը:

Հղումներ թեմայով.

Թուրքիայում ռազմական հեղաշրջման փորձից հետո աշխատանքից ազատվել է 76.100 մարդ, ձերբակալվել՝ 16.899-ը. Tert.am