ՀԱՊԿ-ը ղրղզա-ուզբեկական միջադեպի մասին. Բոլոր սահմանային հարցերը պետք է լուծվեն քաղաքական ճանապարհով 9 սեպտեմբերի 2016 - 13:57 AMT PanARMENIAN.Net - ՀԱՊԿ-ը հորդորում է Ղրղզստանի և Ուզբեկստանի միջև սահմանային խնդիրները լուծել զուտ քաղաքական և դիվանագիտական մեթոդներով: Այդ մասին հայտարարել է ՀԱՊԿ գլխավոր քարտուղար Նիկոլայ Բորդյուժան, հայտնում է ՌԻԱ Նովոստին: Հերթական անգամ միջադեպ է գրանցվել ղրղզա-ուզբեկական սահմանին: Ուզբեկստանի իրավապահները Ղրղզստանի 4 քաղաքացու էին ձերբակալել սահմանի վիճահարույց հատվածում: Միջադեպը տեղի էր ունեցել Ուզբեկստանի նախագահ Իսլամ Քարիմովի հիվանդության օրերին: Ղրզղզստանի քաղաքացիրներն ազատ են արձակվել սեպտեմբերի լույս 9-ի գիշերը: Ղրղզստանի Սահմանպահ ծառայությունն ավելի վաղ հայտնել էր, որ «Քերբեն» սահմանային անցակետի մոտ` Ղրղզստանի հեռուստատեսության հեռարձակման աշտարակի շրջանում Ուզբեկստանի ՆԳՆ-ն դեսանտի մասին: Ուղղաթիռով իջած դեսանտայինները ձերբակալել էին ղրղզական կայանի աշխատակիցներին: Սեպտեմբերի 9-ին Ղրղզստանի սահմանապահ ծառայությունը հայտնել է, որ Տաշքենդն ու Բիշքեկը վերսկսել են բանակցությունները սահմանին միջադեպի կարգավորման շուրջ: «Ուզբեկստանի իրավապահ մարմինների կողմից Ղրղզստանի 4 քաղաքացիների ձերբակալությունը երկու երկրների միջև սահմանի վիճահարույց հատվածում լուրջ մտահոգություն է առաջացնում: Մենք հաստատում ենք մեր դիրքորոշումը` բոլոր հարցերը պետք է լուծվեն քաղաքական և դիվանագիտական միջոցներով, կառուցողական երկխոսության պայմաններում»,-ասել է Բորդյուժան: Նա հավելել է նաև, որ դիմակայության հիմքում ԽՍՀՄ նախկին հանրապետությունների միջև սահմանների չհամաձայնեցվածության հարցն է: Վերջին սահմանային վեճը Ղրղզստանի և Ուզբեկստանի միջև տեղի էր ունեցել մարտին, երբ ուզբեկական կողմը մոտ 40 զինծառայող և զրահատեխնիկա տեղակայեց ղրղզա-ուզբեկական սահմանի վիճելի հատվածում` Ջալալաբադի շրջանի Չալասարտ տարածքում: Մարտի 22-ին պաշտոնական Բիշքեկը դիմել էր ՀԱՊԿ-ին հանգուցալուծելու համար վեճն Ուզբեկստանի հետ սահմանին: Ղրղզստանի և Ուզբեկստանի սահմանին իրավիճակի սրման պատճառով Բիշքեկ էր գործուղվել ՀԱՊԿ գլխավոր քարտուղարի տեղակալ Արա Բադալյանը: Ղրղզստանի և Ուզբեկստանի պետական սահմանի երկարությունը 1,3 հազար կմ է, ԽՍՀՄ փլուզումից հետո ղրղզա-ուզբեկական պետսահմանի ամբողջ երկարության գրեթե մեկ քառորդը սահմանազատված չէ, ինչը մշտական բախումների պատճառ է հանդիսանում սահմանին: Վերջին 3 տարում տեղի է ունեցել մի քանի տասնյակ սահմանային միջադեպ զենքի կիրառմամբ: Երբ Ղրղզստանը 2015-ին անդամակցեց ԵՏՄ-ին, այդ երկրի պետական սահմանը դարձավ ԵՏՄ հարավային սահման: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | Ալավերդի-Վանաձոր ճանապարհին սելավային հոսք է եղել Կան արգելափակված ավտոմեքենաներ Միրզոյան․ Կա պատմական պահ` վերջնականացնելու Ադրբեջանի հետ խաղաղության պայմանագրի նախագիծը Նա այդ մասին ասել է ՀՀ-ԱՄՆ ռազմավարական երկխոսության ամփոփիչ նիստում Հայրիկյանը հացադուլ է հայտարարել «Հայաստանի իշխանությունների չարակամության պատճառով Հայաստանը դադարել է լինել իրավական պետություն»,–ասել է նա Գալուզին․ ՌԴ դեսպանը վերադարձել է Երևան Գալուզինը նշել է, որ «դեսպանին խորհրդակցությունների կանչելը ստանդարտ ընթացակարգ է» |